Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Qeveria e Kosovës, përmes një deklarate hedh poshtë pretendimet nga aktorë të ndryshëm se masa prej 100 % ndaj produkteve të importuara me origjinë nga Serbia dhe Bosnja e Hercegovina, janë vendosur kundër qytetarëve serbë të Kosovës. Ai i konsideron të pavërteta, të paqëndrueshme dhe të papranueshme. “Ky vendim, vjen si rezultat i pengesave të vazhdueshme që Serbia po ia bën vendit tonë”, thuhet në deklaratë.
Bashkëshortja e ish-liderit të Iniciativës Qytetare SDP, Oliver Ivanoviç, Milena Ivanoviç, i cili mbeti i vrarë muaj më parë në Mitrovicë, ka deklaruar se merr mesazhe kërcënuese nga shqiptarët. Në një bisedë me gazetën “Kurir” gruaja e liderit të ndjerë serb tha se këto kërcënime i ka paraqitur tek organet pe drejtësisë.
PE i bëri thirrje të enjten Këshillit të BE-së që të lëvizë përpara drejt liberalizimit të vizave për Kosovën. Në rezolutën të cilën e miratoi Parlamenti Evropian, theksohet se tashmë Kosova i ka përmbushur gjitha kushtet e kërkuara për liberalizim të vizave. Në këtë dokument flitet edhe për përparimin dhe ngecjet që institucionet e Kosovës i kanë bërë drejt progresit të agjendës evropiane.
Kryeparlamentari Kadri Veseli ka thënë se Kosova do të bëhet me ushtrinë e saj gjatë këtij viti, konkretisht nga mesi i muajit dhjetor. I pyetur nga mediat lidhur me datën e mbajtjes së seancës në të cilën do të votohen ligjet për transformimin e FSK-së në Ushtri të Kosovës, Veseli ka pohuar se për këtë çështje do ta thërrasë të hënën mbledhjen e Kryesisë së Kuvendit të Kosovës.
Argjentina po ecën drejt idesë për të akuzuar për krime lufte ndaj Princit të kurorës së Arabisë Saudite, Salman, ndërsa ai shkoi në Buenos Aires për të marrë pjesë në samitin e G20. Human Rights Watch, i kërkoi Argjentinës që të përdorte një klauzolë për krimet e luftës në kushtetutën e saj për të hetuar çdo përfshirje të tij në krime të mundshme kundër njerëzimit në Jemen dhe vrasjen e gazetarit Khashoggi.
Ish-Ministri konservator Svejn Ludvigsen (72) nga Norvegjia, është i akuzuar për dhunim të emigrantëve, bëri të ditur Ministria e Drejtësisë. Kjo kishte zgjatur disa vite, ndërsa prokurori shtetëror e hulumton ish ministrin për keqpërdorim seksual të tre personave, sqaroi avokati shtetëror Tor Borge Nordmo.
Ministri i Brendshëm, Horst Seehofer deklaroi se “myslimanët janë pjesë e Gjermanisë”, gjatë ditës së parë të Konferencës së Islamit në Gjermani. Deklaratën e ministrit kristiansocial të Punëve të Brendëshme Horst Seehofer, se myslimanët janë pjesë e Gjermanisë, disa e konsideruan një kthesë 360 gradë, ndërsa disa të tjerë e panë në një këndvështrim më pak dramatik.
Italia duhet të bëjë ndryshime thelbësore në projektbuxhetin e saj për vitin 2019 për të shmangur veprimet ndëshkuese nga Brukseli, deklaroi dje zëvendëspresidenti i KE, Valdis Dombrovskis. Ai kërcënoi se do të ndërmarrë masa kundër Romës sepse po planifikon një deficit prej 2,4% të Prodhimit të Brendshëm Bruto për vitin e ardhshëm, duke shkelur rregullat e eurozonës mbi buxhetin.
Në konfliktin me Rusinë, Presidenti ukrainas, Petro Poroshenko vazhdon kursin e konfrontimit e jo të çtensionimit. Ai i ka kërkuar drejtpërdrejt Gjermanisë e NATO-s ndihmë ushtarake. “Merkel është një mike e madhe e Ukrainës. Në vitin 2015 përmes negocitatave në Minsk ajo e ka shpëtuar njëherë vendin tonë dhe ne shpresojmë që bashkë me ne dhe aleatët e tjerë të na mbështesë po kaq shumë”, ka thënë ai.
Kancelarja Merkel u zotua se do të ushtrojë presion mbi Putin pas përshkallëzimeve të fundit në Ukrainë, ndërsa hapi një konferencë kyçe të Berlinit me zyrtarët ukrainas. Poroshenko i Ukrainës i ka kërkuar NATO-s ndihmë detare. Merkel fajësoi Rusinë për rritjen e tensioneve, pasi Rusia kapi tre anije ukrainase në Detin Azov këtë javë.
Trego më shumë