Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Gjykata e Lartë rrëzoi kërkesën e Prokurorisë për sekuestrimin e pasurisë së deputetit Alfred Peza, ndërsa aksionet prej 1.1 miliardë lekë në një bankë të nivelit të dytë do të vazhdojnë të jenë të sekuestruara. Ende nuk është bërë publik argumentimi i këtij vendimi. Lidhur me hetimin, Peza ka reaguar disa herë duke thënë se pasurinë e ka vënë në mënyrë të ligjshme dhe se ky proces është sulm për arsye politike.
Mes Policisë Bashkiake të Shkodrës dhe Policisë së Rendit ka pasur një përplasje verbale këtë mëngjes, në qendër të qytetit. Debati nisi për shkak të përplasjes së orareve të aktiviteteve që do të zhvillohen në të njëjtin vend, njëri në orën 10:30 nga bashkia dhe tjetri pasdite nga kryeministri, në një takim me të rinjtë socialistë. Pas debateve mes palëve, policia ka lejuar vendosjen e tendës deri në orën 13:00.
Pas takimeve me liderët politikë shqiptarë, zyrtari i lartë i SHBA ka deklaruar sot para gazetarëve se nëse zgjedhjet do të certefikohen të rregullta, atëherë SHBA do i njohë. Ai ka thënë se është e drejta e cdo partie për të marrë ose jo pjesë në zgjedhje. Zyrtari ka shtuar se mbështet paketën McAllister, dhe se Rama është i hapur për negociata dhe ka pranuar propozimet.
Vjedhja e banesave dhe bizneseve është një fenomen që po rritet në Tiranë. Vetëm këtë të dielë ka pasur 5 raste vjedhjesh. Problem shumë i madh është vjedhja me dhunë. Sipas një krahasimi të tremujorit të parë të vitit 2016 dhe 2017, ka rezultuar se është rritur ndjeshëm numri i vjedhjeve me dhunë dhe numri i autorëve. Autorët zakonisht i kryejnë vjedhjet pas orës 22:00 dhe përqëndrohen kryesisht në zonat periferike.
Zyrtari i lartë i Departamentit të Shtetit, Hoyt Brian Yee ka parashikuar një takim me 4 prej deputetëve demokratë, të cilët nuk janë dakort me linjën e Bashës për mospjesëmarrjen e PD-së në zgjedhje. Megjithatë, Eduard Selami dhe Astrit Patozi nuk do të jenë në takim sepse Selami ndodhet në Shtetet e Bashkuara, ndërsa Patozi për arsye shumë të forta personale. Jozefina Topalli dhe Majlinda Bregu nuk do të jenë së bashku, siç ishte parashikuar në fillim, por në takime veç e veç me zyrtarin e Departamentit të Shtetit.
Pas takimeve me kryeministrin Rama dhe Presidentin e ardhshëm Meta, zv. ndihmës sekretari i shtetit te SHBA, Hoyt Brian Yee ka takuar kreun e PD, Lulzim Basha. Zbulohet se gjatë takimit, zyrtari i lartë i DASH është shprehur i gatshem për të ndihmuar në zgjidhjen e krizës pasi pranoi se shqetësimet e opozitës janë reale. Ai ka përgëzuar opozitën për ndërgjegjësimin e komunitetit ndërkombëtar për problemet e vendit.
Forcat e policisë së Shkodrës kanë finalizuar në orët e fundit me sukses operacionin e koduar “Jeran”. Në kuadër të tij janë sekuestruar mbi 60 kg lëndë narkotike e dyshuar marijuanë dhe është arrestuar shtetasi Vilson Çuti, 34 vjeç, nga fshati Jeran i Malësisë së Madhe. Materialet hetimore i kanë kaluar tashmë prokurorisë së rrethit përkatës për akuzën “prodhim dhe shitje të lëndëve narkotike”.
Për Lulzim Bashën, zgjedhjet pa opozitën janë të papranueshme. Nëpërmjet një postimi në Facebook, ai thotë se Rama po projekton një pushtet monist, që të qeverisë i vetëm, pa u shqetësuar nga populli dhe opozita. “Bashkimi ynë është e vetjma pengesë ndaj këtij plani ogurzi. Ose zgjedhje të lira dhe të ndershme, ose zgjedhje të tjera në Shqipëri nuk do të ketë”, ka thënë Basha.
Një 15-vjeçare me inicialet B.P. ka ndërruar jetë gjatë një operacioni në një spital privat në Tiranë. Mjeku anestezist T. ZH, 53 vjeç, ka tentuar më pas të kryejë vetëvrasje, duke injektuar në trup preparat lëndë anestezie. Ai ndodhet në spital në gjendje të rëndë shëndetësore. Policia njofton se po punon për sqarimin e rrethanave të ngjarjes ku si provë materiale është sekuestruar kartela mjekësore e 15-vjeçares.
Prokuroria e Shkodrës ka përfunduar hetimet dhe ka dërguar për gjykim Ish-kryetarin e komunës Shalë, Dedë Tonaj, në bashkëpunim me ish-vartësit e tij Tom Shyti dhe Gjovalin Lokthi, të cilët kanë falsifikuar dokumenta zyrtare, ku persona të ndryshëm janë bërë pronarë të tokave në zonën turistike, pa pasur të drejta ligjore për përfitim të pronësisë. Ata akuzohen se kanë shpërndarë rreth 41.500 m2 tokë në zonën turistike të Thethit.
Trego më shumë