Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
SHBA u ka kërkuar autoriteteve të Kosovës që të heqin tarifat ndaj importeve nga Serbia dhe Bosnje-Hercegovina dhe të punojnë me Serbinë për të shmangur provokimet dhe tensionet. Ky qëndrim u shpreh në një deklaratë të zëdhënëses së DASH, pas një takimi që Sekretari i Shtetit, Pompeu pati me Presidentin Thaçi, ku ai i bëri thirrje Kosovës të përfitojë për të arritur një marrëveshje historiike me Serbinë.
Vendimi i Qeverisë së Kosovës për aplikimin e takës doganore në vlerën 100 % ndaj produkteve të importuara me origjinë nga Serbia dhe Bosnja Hercegovina, ka ndikuar në ngritjen e çmimeve të disa artikujve të domosdoshëm ushqimor në Kosovë. Nga produktet e domosdoshme ushqimore të shtrenjtuara, janë, mielli, buka, sheqeri dhe vaji.
Ndonëse mbrëmjen e kaluar u deklarua nga bashkia se ka nisur zhvendosja e familjeve të “Astirit” në banesat sociale dhe prishja e objekteve në Unazën e Re, banorët kanë dalë sërish sot në protestë. Qytetarët janë përplasur me policinë bashkiake e cila ndodhet në vend për të garantuar vazhdimin e punimeve.
NATO i kërkojë Rusisë të lirojë menjëherë marinarët ukrainas dhe anijet e kapura në Ngushticën e Kerçit dhe të garantojë akses të pandërprerë për Ukrainën në portet që ndodhen në Detin Azov, deklaroi sekretari i përgjithshëm i NATO-s, Jens Stoltenberg. “Nuk ka asnjë justifikim për përdorimin e forcës ushtarake kundër anijeve ukrainase dhe personelit detar”, ka apeluar ai.
Shefi i Bankës Qendrore Evropiane, Mario Draghi ka bërë sërish thirrje për respektimin e rregullave buxhetore të BE-së, duke theksuar se eurozona është e ndjeshme ndaj rreziqeve që lidhen me borxhin e lartë, por duke mos iu referuar drejtpërdrejtë mosmarrëveshjes mes Romës dhe Brukselit për buxhetin e Italisë. “Ne duhet të rikthejmë besimin në rregullat tona dhe të garantojmë se po respektohen”, citoi ai.
BE dhe Irani shprehën mbështetjen e tyre për marrëveshjen bërthamore të vitit 2015 dhe thanë se do ta mbajnë “të gjallë”, pavarësisht vendimit të Presidentit Trump, për t’u tërhequr nga pakti. Përpara bisedimeve BE-Iran mbi bashkëpunimin civil bërthamor, që u mbajt në Bruksel, komisionari për energji i BE-së, Arias Canete, tha se marrëveshja është vendimtare për sigurinë e Evropës dhe të gjithë botës.
Trump deklaroi të enjten se raporti i CIA-s reth çështjes së gazetarit Khashoggi nuk ka një përfundim të qartë. Nga ana tjetër kanë reaguar edhe demokratët me anë të Adam Schiff, Shef në Komitetin e Inteligjencës së Dhomës së Përfaqësuesve të Kongresit të SHBA-së. Schiff mendon se Trump nuk është i sinqertë kur thotë se nuk ka prova të mjaftueshme në raportin e Agjencisë Qendrore të Inteligjencës (CIA).
Mësohet se ka ndërruar jetë në moshën 77 vjeçare Bernardo Bertolucci, një nga regjisorët e mëdhenj të kinemasë italiane. Autor i kryeveprave si “Tango e fundit në Paris”, “Nëntëqind” dhe “Imperatori i fundit”, Bertolucci vdiq pas një sëmundjeje të rëndë në Romë. Një mjeshtër i madh i kinemasë që preku zemrat e shume njerëzve por që gjithashtu influencojë në shoqëri me veprat e tij duke thyer shumë tabu.
Ish-futbollisti i Kombëtares së Brazilit Ronaldinho po ballafaqohet me probleme të mëdha nëpër gjykata, ndërsa dje i janë konfiskuar disa asete me vlerë të madhe financiare. Prokuroria duke theksuar se ai po tenton të fsheh paratë me qëllim shmangien nga pagesat e gjobave. Krahas problemeve financiare, Ronaldinho bashkë me vëllain kanë shkelur ligjin pasi kanë ndërtuar një objekt në një zonë të mbrojtur.
Televizioni shtetëror iranian ka thënë se numri i personave të lënduar nga tërmeti 6.4 ballë që ka goditur pjesën perëndimorë të Iranit, ka arritur në 600. Autoritetet kanë pohuar se ata janë ende duke tentuar të zbulojnë ndonjë viktimë si shkak i tërmetit, i cili ka ndodhur në zonën e njëjtë ku ka ndodhur një tërmet një vit më parë, i cili pati rezultuar me më shumë se 600 të vdekur dhe rreth 9.000 të lënduar.
Trego më shumë