Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Ashtu siç ishte paralajmëruar gjatë ditës së djeshme, sot punonjësit e ARRSH-së dhe të bashkisë kanë dalë në terren për të hequr shtyllat e ndriçimit dhe pemët në të dyja anët e rrugës ku do të kalojë segmenti i “Unaza së Re”. Punonjësit e bashkisë kanë ndërprerë punën për heqjen e shtyllave pas kundërshtimit të banorëve, por bashkë me ta, protestuesit kanë larguar edhe grupet e vlerësimit të ARRSH-së.
Inspektorati Kombëtar i Mbrojtjes së Territorit, do të nisë sot një aksion në Shkozë, në kuadër të projektit për Unazën e Madhe. Lajmin e ka bërë me dije vetë IKMT në një postim në faqen e tij në fb, ku njofton shembjen e 16 objekteve. "Nisim sot një aksion të ri në Shkozë, në kuadër të projektit për ndërtimin e Unazës së Madhe, loti dy. Do të prishim 16 objekte me madhësi të ndryshme", thuhet në njoftim.
Gjatë samitit për abuzimin e fëmijëve në internet, Fondi i Kombeve të Bashkuara për Fëmijët, UNICEF ka publikuar shifra dhe fakte tronditëse. Sipas UNICEF, mosha mesatare kur fëmijët e anketuar në botë kanë aksesuar internetin për herë të parë është 9 vjeç. Mesatarisht, një fëmijë qëndron online 3 orë në ditë dhe 14% e fëmijëve të anketuar kanë përjetuar online diçka që i ka mërzitur.
Presidenti Meta ka ndarë me ndjekësit emocionet dhe mbresat, që ka përjetuar gjatë takimeve me banorët e Rozhajës. Përmes një posti në rrjetin social “Facebook”, Kreu i shtetit shqiptar ka pohuar se dashuria që përcjellin këta banorët për Flamurin Kombëtar janë tregues të prosperiteti. Ai u ndal gjithashtu edhe tek bukuretë natyrore të kësaj zone.
Kryedemokrati Basha, ka postuar një video me deklaratën e Kryeministrit Rama në 2013 kur ju kërkoi votën banorëve të “Unazës së Re”. “Shtëpitë e ndërtuara pa leje nuk do të prishen edhe sikur Enver Hoxha të ngjallet”, është shprehur Rama. Por sot, thekson Basha, për të siguruar vjedhjen 40 milionë euro, Edi Rama, mohon dhe vetveten.
Mijëra persona manifestuan dje në të gjithë Spanjën me rastin e Ditës Ndërkombëtare për eleminimin e dhunës ndaj grave. Protestues të shumtë u mblodhën në qytete të shumta si Madridi, Barcelona, Sevilja, Valenca, Bilbao apo Pamplonën, në një shtet ku lufta kundër dhunës me bazë gjinore është një kauzë kombëtare. Që nga viti 2003, 972 gra kanë vdekur në Spanjë, të vrara nga bashkëshortët apo ish-bashkëshortët.
Raportohet se të paktën 101 persona janë arrestuar gjatë protestave në Francë. Vendimi i Qeverisë Macron për të rritur çmimin e naftës ka detyruar qindra e mijëra francezë të dynden rrugëve për të protestuar kundër një reforme të tillë. Ministri i Brendshëm francez Christophe Castaner në një deklaratë njoftoi se në 1.600 protesta të zhvilluara në të gjithë vendin kishin marrë pjesë rreth 106 mijë persona.
Sipas sinoptikanëve edhe java e ardhshme pritet të dominohet nga moti me reshje dhe temperatura të ulëta. Meteoalb, parashikon vranësira dhe shira thuajse gjatë gjithë ditës do të ketë të hënën dhe të martën, por pjesërisht të mërkurën. Ndërkohë reshje dëbore në zonat e thella malore priten kryesisht të martën. Pas të mërkurës pritet mot kryesisht i kthjellët, por i ftohtë.
Qeveria e Shqipërisë dhe ajo e Kosovës pritet të zhvillojnë sot nje mbledhje të përbashkët në Pejë. Heqja e roaming dhe unifikimi i doganave janë vendimet kryesore qe pritet të merren nesër. Bashkimi Evropian u ka kërkuar të gjitha vendeve të Ballkanit Perëndimor që të heqin këtë tarifë, si formë lehtësimi për komunikimet në mes qytetarëve.
Produktet Dolce & Gabbana janë hequr nga faqet e blerjeve online në Kinë, si reagim ndaj një reklame të diskutueshme të markës së famshme. Fushata u akuzua për minimizimin e kulturës kineze dhe promovimin e stereotipeve të pahijshme. Ndërsa polemika rrezikon të privojë Dolce & Gabbana-n nga një nga tregjet më luksoze në botë. Familjet në Kinë kanë bërë thirrje për bojkot të markës.
Trego më shumë