Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Dhoma e Tregtisë dhe Industrisë së Serbisë, me rastin e 15 vjetorit të pjesëmarrjes së Serbisë në “Tirana International Fair” mblodhi në një pritje ambasadorë, sipërmarrës nga Serbia, përfaqësues të biznesit dhe medias shqiptare. Kryetari i Dhomës së Tregitsë Serbe, Marko Cadez, vlerësoi bashkëpunimin në fushën ekonomike duke theksuar se Serbia dhe Shqipëria, do të ndryshojnë perceptimin për Ballkanin.
Margrethe Vestager, Komisionerja evropiane për Konkurrencën, paralajmëroi Kinën kundër çdo lloji konkurrence të pandershme, duke i kërkuar që të ofrojë të njëjtat kushte për sipërmarrjet evropiane. Ajo theksoi se është e rëndësishme që të punohet për një konkurrencë të ndershme jo vetëm në aplikimin e rregullave të konkurrencës por gjithashtu në aspektin e reciprocitetit.
Gjysma e kompanive gjermane presin përshkallëzimin e mëtejshëm të tensioneve tregtare midis Evropës dhe SHBA, gjë që do të çojë në uljen e investimeve, tregon anketa e sondazhit të Institutit Ekonomik Gjerman. Sipas sondazhit, 44 % e kompanive presin që tensioni të rritet, ndërsa 34 % pohojnë të kundërtën. 41 % e kompanive mendojnë se SHBA dhe BE nuk do të arrijnë një Marrëveshje Tregtare Transatlantike.
Ministria e Industrisë dhe e Teknologjisë së Informacionit e Kinës publikoi listën e 100 kompanive kryesore për sa u përket të ardhurave nga shitjet në vitin 2017. “Huawei”, ofruesi i pajisjeve dhe shërbimeve të rrjetit dhe telekomunikacionit me bazë në Shenzhen, zuri vendin e parë, i ndjekur nga “ZTE” dhe “Haier”. Kompanitë siguruan një vlerë të përgjithshme të ardhurash prej më shumë se 771 miliardë juanësh.
Gjatë mbledhjes së Komisionit të Ekonomisë, ku po diskutohen të ardhurat për projekt/buxhetin e vitit 2019, Ministri Ahmetaj tha se Qeveria ka planifikuar më shumë rimbursim për kompanitë e mëdha të cilat kanë akumuluar para për shkak të investimeve. Ai u shpreh se rekomandon zero përjashtime nga TVSH për subjektet, ndërsa sipas tij nuk do ketë asnjë gjobë për subjektet që bëjnë gabime në llogarinë e xhiros.
Monedhat kombëtare janë forcuar në të gjithë rajonin por në Shqipëri mbiçmimi i monedhës kombëtare Lekut, kundrejt Euros dhe Dollarit ka qenë më i forte. Të dhënat kombëtare të vendeve të përpunuara nga Banka Botërore tregojnë se, nga qershori 2017 deri në qershorin 2018, leku shqiptar është forcuar pothuajse me 5% në këmbim me monedhën e përbashkët euro dhe rreth 9% në raport me dollarin amerikan.
Presidenti Meta ka zhvilluar një vizitë në kompaninë “Amarelli”, ku u takua me drejtuesit dhe anëtarët kalabrezë të Unindustria-s, anëtare e Confindustria-s. Gjatë këtij takimi sipërmarrësit italianë nënvizuan interesin e madh për të zgjeruar tregjet e prodhimeve të tyre në Shqipëri, nëpërmjet sipërmarrjeve të përbashkëta në fushat e biodiversitetit, agrikulturës, si dhe veçanërisht të prodhimit të agrumeve.
Deputetja Jorida Tabaku, përmes një postimi në "Facebook" është shprehur se Shqipëria renditet e fundit në rajon në oportunitetet që i jap bizneseve për tu hapur. “Vazhdojmë të jemi armiqësor ndaj investimeve të huaja duke i larguar ato përditë e më shumë. Të parafundit në rajon për biznes dhe të parët në rajon për kriminalitetin dhe inkriminimin e Qeverisë”, ka cituar ajo.
OPEC rriti prodhimin e naftës në nivelin më të lartë që prej 2016, ndërsa prodhimi më i lartë, nga Emiratet dhe Libia, kompensoi një ndërprerje të dërgesave iraniane, shkak sanksionet e SHBA. OPEC ka prodhuar 33.31 milionë fuçi në ditë, sasi kjo më e larta për të gjithë vendet e OPEC. Çmimi arriti një nivel prej 86$/ fuçi në tetor, por që ra në 76$, pasi shqetësimet lidhur me furnizimet në rënie, u veniten.
Ministri Gjiknuri priti sot në takim Ministrin e Transportit dhe Infrastrukturës Dixhitale të Gjermanisë, Andreas Scheuer. Në përfundim të takimit, ata nënvizuan rëndësinë e thellimit të bashkëpunimit mes dy vendeve në fushën e infrastrukturës dhe energjisë. Unë i kërkova ministrit të ftojë kompanitë gjermane në potencialet e mundshme që do të hapen në zhvillimin e kësaj infrastrukture aeroportuale”, citoi ai.
Trego më shumë