Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Trump, ka anuluar një takim të planifikuar me presidentin rus Vladimir Putin, i cili do të mbahej në Samitin e G20 në Buenos Aires të shtunën. Anulimi i takimit u njoftua nga vetë shefi i Shtëpisë së Bardhë, Donald Trump. Sipas mediave amerikane, anulimi i këtij takimi të parashikuar për të shtunën në Argjentinë është bërë nga tensioni i ndezur mes Rusisë dhe Ukrainës.
Sulmuesi uruguaian është lënduar në ndeshjen ndaj Atletico Madrid. Lëndimet janë kthyer në një makth për Barcelonën, e cila nuk po arrin të kompletojë skuadrën nga futbollistët e dëmtuar edhe pse rivaliteti është gjithnjë prezent. I fundit që tremb katalanasit është sulmuesi uruguaian, Luis Suarez i cili ka pësuar një lëndim në gjurin e tij të djathtë dhe tashmë do të duhet që të mungojë për dy javë.
Mesatarisht, 137 gra vriten çdo ditë në botë nga partneri apo një i afërm i familjes, sipas të dhënave të zyrës së Kombeve të Bashkuara për krimin dhe drogën. Më tepër se gjysma e 87.000 femrave të vrara në vitin 2017 vdiqën prej duarve të njerëzve të afërt: nga kjo shifër, afërsisht 30.000 humbën jetën prej partnerit dhe gati 20.000 nga një familjar.
Kryetari i Mitrovicës Veriore, Goran Rakiç ka dhënë dorëheqjen nga pozita e Kryetarit të kësaj komune. Drejtori i të ashtuquajturës Zyre Serbe për Kosovën, Marko Gjuriç konfirmoi paraprakisht se dorëheqje do të japin gjatë ditës edhe kryetarët e tri komunave të tjera veriore të Kosovës të banuara me shumicë serbe. Ndërkohe qytetarët serbë sot do të protestojnë sot për taksën ndaj mallrave serbe.
Ukraina shpalli gjendje lufte, pas kapjes së tri anijeve të saj detare dhe 23 pjesëtarëve të ekuipazhit, të dielën nga Rusia. Pas debateve të nxehta, ligjvënësit e mbështetën kërkesën e presidentit Petro Poroshenko për të sjellë në fuqi ligjin ushtarak, që do të zgjasë 30 ditë duke filluar nga 28 nëntori. Përplasja detare ndodhi jashtë brigjeve të Krimesë, gadishull i Ukrainës i aneksuar nga Rusia në vitin 2014.
NATO i kërkojë Rusisë të lirojë menjëherë marinarët ukrainas dhe anijet e kapura në Ngushticën e Kerçit dhe të garantojë akses të pandërprerë për Ukrainën në portet që ndodhen në Detin Azov, deklaroi sekretari i përgjithshëm i NATO-s, Jens Stoltenberg. “Nuk ka asnjë justifikim për përdorimin e forcës ushtarake kundër anijeve ukrainase dhe personelit detar”, ka apeluar ai.
BE dhe Irani shprehën mbështetjen e tyre për marrëveshjen bërthamore të vitit 2015 dhe thanë se do ta mbajnë “të gjallë”, pavarësisht vendimit të Presidentit Trump, për t’u tërhequr nga pakti. Përpara bisedimeve BE-Iran mbi bashkëpunimin civil bërthamor, që u mbajt në Bruksel, komisionari për energji i BE-së, Arias Canete, tha se marrëveshja është vendimtare për sigurinë e Evropës dhe të gjithë botës.
Trump deklaroi të enjten se raporti i CIA-s reth çështjes së gazetarit Khashoggi nuk ka një përfundim të qartë. Nga ana tjetër kanë reaguar edhe demokratët me anë të Adam Schiff, Shef në Komitetin e Inteligjencës së Dhomës së Përfaqësuesve të Kongresit të SHBA-së. Schiff mendon se Trump nuk është i sinqertë kur thotë se nuk ka prova të mjaftueshme në raportin e Agjencisë Qendrore të Inteligjencës (CIA).
Mësohet se ka ndërruar jetë në moshën 77 vjeçare Bernardo Bertolucci, një nga regjisorët e mëdhenj të kinemasë italiane. Autor i kryeveprave si “Tango e fundit në Paris”, “Nëntëqind” dhe “Imperatori i fundit”, Bertolucci vdiq pas një sëmundjeje të rëndë në Romë. Një mjeshtër i madh i kinemasë që preku zemrat e shume njerëzve por që gjithashtu influencojë në shoqëri me veprat e tij duke thyer shumë tabu.
Ish-futbollisti i Kombëtares së Brazilit Ronaldinho po ballafaqohet me probleme të mëdha nëpër gjykata, ndërsa dje i janë konfiskuar disa asete me vlerë të madhe financiare. Prokuroria duke theksuar se ai po tenton të fsheh paratë me qëllim shmangien nga pagesat e gjobave. Krahas problemeve financiare, Ronaldinho bashkë me vëllain kanë shkelur ligjin pasi kanë ndërtuar një objekt në një zonë të mbrojtur.
Trego më shumë