Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Televizioni shtetëror iranian ka thënë se numri i personave të lënduar nga tërmeti 6.4 ballë që ka goditur pjesën perëndimorë të Iranit, ka arritur në 600. Autoritetet kanë pohuar se ata janë ende duke tentuar të zbulojnë ndonjë viktimë si shkak i tërmetit, i cili ka ndodhur në zonën e njëjtë ku ka ndodhur një tërmet një vit më parë, i cili pati rezultuar me më shumë se 600 të vdekur dhe rreth 9.000 të lënduar.
Këngëtarja shqiptare me famë botërore, Rita Ora feston sot 28-vjetorin e lindjes. Ylli i muzikës pop i ka bërë vetes dhuratën më të çmuar, albumin Pheonix që po arrin një sukses të madh. Dhe në këtë ditë të veçantë për të, Rita ka marrë urimet e prindërve të saj Nik dhe Vera Ora. Ata e uruan vajzën e tyre në gjuhën shqipe.
Meksika do të deportojë rreth 500 emigrantë që u përpoqën të sulmonin kufirin amerikan, sipas MB. Emigratët u përpoqën të kalonin kufirin në mënyrë të dhunshme dhe ilegalisht të dielën. Në një video tregohen dhjetra njerëz, përfshirë gra e fëmijë, që shkojnë drejt gardhit që ndan dy vendet pranë qytetit të Tijuanë. Zyrtarët amerikanë të kufirit përdorën gaz lotsjellës për ti zmbrapsur.
Ish-Kryeministri i Mbretërisë së Bashkuar, Tony Blair, ka deklaruar se marrëveshja e Brexit është një zgjedhje midis të panevojshmes dhe të dhimbshmes. Ai deklaroi se ka respekt të madh për Kryeministren Theresa May, se ajo ka treguar vendosshmëri dhe guxim mirëpo rrethohet nga persona të paarsyeshëm. Megjithatë, ai shtoi se marrëveshja e saj nuk do të kaloje në parlamentin britanik.
4 ushtarë raportohet se kanë vdekur pasi një helikopter ushtarak turk u përplasur në një zonë të banuar në Stamboll. Ai u rrëzua midis dy blloqeve të apartamenteve në lagjen Sancaktepe dhe u nda në dy pjesë. Një ushtar i pestë që ndodhej në bord u dërgua në spital. Agjencia e lajmeve turke Anadolu raportoi se helikopteri, i cili ishte në një mision trajnimi, goditi çatinë e një ndërtese ku si pasojë u rrëzua.
Partia Laburiste britanike do të votojë në parlament kundër marrëveshjes së qeverisë britanike me BE mbi Brexit, tha dje lideri i saj Jeremy Corbyn. Ai u shpreh se marrëveshja u nënshkrua në Bruksel për të qenë e keqe për Britaninë dhe se ishte një dështim i trishtuar për të negociuar. “Ajo na jep më pak të drejtë të vendosim për të ardhmen tonë dhe rrezikon vendet e punës dhe standardet e jetesës”, tha ai.
6 militantë të dyshuar të Al-Kaidës janë vrarë në një sulm me dron në qendër të Jemenit, njoftuan zyrtarët e sigurisë. Forcat e SHBA në vazhdimësi kanë kryer sulme ajrore me dron kundër Al-Kaidës. Ky grup ka forcuar prezencën e saj në Jemen, duke shfrytëzuar luftën pothuajse katërvjeçare në mes të rebelëve Huthi dhe forcave të Qeverisë së Presidentit Abd-Rabbu Mansour.
Mijëra persona manifestuan dje në të gjithë Spanjën me rastin e Ditës Ndërkombëtare për eleminimin e dhunës ndaj grave. Protestues të shumtë u mblodhën në qytete të shumta si Madridi, Barcelona, Sevilja, Valenca, Bilbao apo Pamplonën, në një shtet ku lufta kundër dhunës me bazë gjinore është një kauzë kombëtare. Që nga viti 2003, 972 gra kanë vdekur në Spanjë, të vrara nga bashkëshortët apo ish-bashkëshortët.
Raportohet se të paktën 101 persona janë arrestuar gjatë protestave në Francë. Vendimi i Qeverisë Macron për të rritur çmimin e naftës ka detyruar qindra e mijëra francezë të dynden rrugëve për të protestuar kundër një reforme të tillë. Ministri i Brendshëm francez Christophe Castaner në një deklaratë njoftoi se në 1.600 protesta të zhvilluara në të gjithë vendin kishin marrë pjesë rreth 106 mijë persona.
Produktet Dolce & Gabbana janë hequr nga faqet e blerjeve online në Kinë, si reagim ndaj një reklame të diskutueshme të markës së famshme. Fushata u akuzua për minimizimin e kulturës kineze dhe promovimin e stereotipeve të pahijshme. Ndërsa polemika rrezikon të privojë Dolce & Gabbana-n nga një nga tregjet më luksoze në botë. Familjet në Kinë kanë bërë thirrje për bojkot të markës.
Trego më shumë