Drejtoria e Kujdesit Social së bashku me Njësinë e Mbrojtjes së Fëmijëve dhe Familjes në bashkinë e Korçës prej fillimit të vitit e deri në këto momente ka trajtuar 45 raste të abuzimit të fëmijëve, që përfshijnë të gjitha format e mundshme të dhunës.
Për fat të keq, rastet e abuzimit janë shtuar vit pas viti, duke krijuar një situatë shqetësuese për shëndetin dhe zhvillimin e fëmijëve.
Marjana Jorgji, Drejtore e Drejtorisë së Kujdesit Social, bashkia Korçë, nënvizon se ndërgjegjësimi është një nga shtyllat kyçe për parandalimin e abuzimit, dhe se është e nevojshme të forcohen politikat edukative dhe mbështetëse për të siguruar një mjedis të sigurt për fëmijët.
sinkron
Në këtë Ditë Botërore për Parandalimin e Abuzimit të Fëmijëve, është e rëndësishme të kujtojmë se mbrojtja e fëmijëve nga abuzimi është një përgjegjësi e përbashkët e të gjithë shoqërisë.
Kjo është një betejë që kërkon angazhim të vazhdueshëm për të ndihmuar fëmijët të jetojnë në një mjedis të sigurt dhe mbështetës.
