Ngjarja ka ndodhur në afërsi të kryqëzimit të fshatit Symizë ku një mjet ka përplasur një këmbësor i cili po lëvizte brenda aksit nacional.
Sipas ekspertëve të policisë rrugore mjeti tip “BMW” me drejtues Gerand Cuka ka qenë duke lëvizur nga Pogradeci në drejtim të Maliqit kur vetëm pak metra larg kryqëzimit të fshatit Symizë ka përplasur një këmbësor i cili ka qenë duke lëvizur në këmbë.
Goditja ka qenë aq e fortë sa këmbësori ka gjetur vdekjen e menjëhershme ndërkohë që mjeti është ndalur disa metra larg vendit të aksidentit, çka e për ekspertët ka qenë duke lëvizur me shpejtësi tej normave të lejuara në kushte kur dhe fushëpamja për mungesë ndriçimi ka qenë e pakët.
Policia ka shoqëruar drejtuesin e mjetit në komisariat aty ku po merret në pyetje për të sqaruar rrethanat e aksidentit ndërkohë që viktima është ende i paidentifikuar.
Njoftimi i policisë;
Në aksin rrugor “Korçë-Pogradec”, automjeti me drejtues shtetasin G. Ç., 37 vjeç, ka përplasur një këmbësor, i cili si pasojë ka ndërruar jetë.
Drejtuesi i automjetit, shtetasi G. Ç., është shoqëruar në ambientet e Komisariatit për veprime të mëtejshme
Grupi hetimor ndodhet në vendngjarje dhe po punon për zbardhjen e rrethanave të aksidentit dhe identifikimin e shtetasit që humbi jetën si pasojë e përplasjes nga automjeti.
