Gentjan Çela, Edmond Spaho, Gentjan Cala, Andrea Mano, Fidel Kreka dhe Kristi Kocibelli janë padyshim ndër garat më të forta që Partia Demokratike ka patur brenda saj në zgjedhje parlamentare
Kundërshtari politik i tyre Peleshi është shprehur se kërkon 7 mandate në Korçë por le ta cilësojmë këtë një energjizëm elektoral dhe në bazë e të parashikimeve të Barometrit, PS Korçë merr 6 mandate dhe PD Korçë merr 4 mandate.
Të sigurte nga ana blu janë Ivi Kaso, Ledina Alolli dhe Bledjon Nallbati ndaj loja e madhe bëhet për një mandat
Andrea Mano padyshim e ka treguar se ka besnikë “të betuar” ndaj nuk bën çudi që të jetë një nga kandidatët potenciale për të rrëmbyer mandatin por nga ana tjetër një deputet tjetër aktual cilësohet si “kalë pune”, i cili është Edmond Spaho i cili pavarësisht zhgënjimit që nuk ishte pjesë e listave të sigurta, nuk mund t’i lejojë vetes të jetë jashtë parlamentit ndaj e ka nisur fushatën e tij kryesisht në Maliq e Devoll.
Por në Devoll “i zoti i shtëpisë” është Bledjon Nallbati i cili ende nuk është pozicionuar qartë se në cilin “xhep” do çojë vota, pasi ai e ka të sigurte karrigen në parlament, ndaj nuk pritet që të punojë për emrin e vet por për dikë tjetër. Njeriu që ka me vete Bledjon Nallbatin, pa frikë bëhet deputet.
Fidel Kreka është djali korçar që forcën e ka treguar në primare, se e duan, e se padyshim numra të konsiderueshëm ka por nga ana tjetër është e Kristi Kocibelli, një tjetër djalë Korçe, një avokat i nderuar i cili kërkon me doemos mandatin e tij. Këtu hyn Salianji. Pavarësisht se ndodhet në burg, Ervin Salianji është faktor kyç në Korçë e pritet të jetë faktor e ne këto zgjedhje. Borxh u ka vetëm këtyre dy djemve të cilët e kanë mbështetur jo pak. Ku do shkojë, ende nuk është e qartë.
Garën brenda llojit e ka në Pogradec dhe Genti Çela me Gentjan Calën, të dy emra të spikatur në politikë, të dy të arrirë por të dy duket se nuk e duan njeri tjetrin pavarësisht koalicionit e secili prej tyre kërkon parlamentin. Çela është i preferuari i Berishës qartazi ndërsa për Çalën janë ngritur struktura nga PL në mbështetje të plotë të tij
Garë e fortë brenda llojit me emra të fortë por në kushtet kur flasim, pak e besojnë se lista opozitare arrij në 5 mandate, për shkak e të punës së pakët me emigrantët, ku mbi 20 mijë të tillë janë regjistruar nga PS. Ndaj e Peleshi ka sigurinë se merr 7 por PD juglindore kërkon barazimin. Barazim që duket i vështirë, sidomos për shkak të garës së fortë që pritet të përçajë e votën opozitare
