Kryebashkiaku i Korçës, Sotiraq Filo, ka njoftuar se ka nisur rikonstruksioni i banesave për familjet në nevojë dhe banesa ku duhet të ndërhyhet në mënyrë emergjente, jo vetëm në qytetin e Korçës por edhe në rrethina.
Këtë vit janë përzgjedhur disa familje sipas kritereve të përcaktuata dhe aplikantët që kanë plotësuar kushtet, kanë përfituar falas rikonstruksionin e banesave të tyre.
Sipas kryetarit të Bashkisë Korçë punimet përfshijnë rikonstruksionin e çative, por edhe dyer, dritare, shtrim me pllaka apo edhe termoizolimin e fasadave.
Aplikimet për këtë program janë mjaft të larta, ndërsa bashkia e Korçës shpreson që vitin e ardhshëm të mund të përfitojë një fond edhe më të lartë për t’i ardhur në ndihmë edhe më shumë familjeve në nevojë.
Aktualisht po punohet në disa lagje të qytetit të Korçës, në fshatrat Qatrom, Vinçan dhe Çiflig.
Statusi në facebook;
Përmirësojmë infrastrukturën e banesave për familje në kushte të vështira ekonomike në disa zona të Bashkisë Korçë.
- Rikonstruksion i çative
- dritare dhe dyer të reja
- termoizolim i fasadave
Aktualisht po punohet në Lagjet 4, 13, 16, 17 dhe në fshatrat Qatrom, Vinçan e Çiflig.
Puna do të vijojë edhe në disa objekte të tjera të cilat kanë nevojë emergjente për riparime dhe meremetime të tjera.
