Të dhënat më të fundit tregojnë se reality show “Big Brother” dhe versionet e tij të ndryshme, si “Big Brother VIP Albania”, janë ndër temat më të kërkuara nga shqiptarët në YouTube gjatë periudhës janar 2023 – dhjetor 2023. Në vendin e parë të renditjes për janar 2024 qëndron termi “Big Brother” me një indeks maksimal prej 100.
Kërkimet e tjera të lidhura me këtë spektakël, si “Big Brother VIP” dhe “Big Brother VIP Albania”, renditen përkatësisht në vendin e dytë dhe të katërt, duke dëshmuar popullaritetin e jashtëzakonshëm të këtij formati televiziv.
Ndërkohë, në top-listë gjenden edhe emra të njohur të muzikës shqiptare, si Noizy, Dafina dhe Clevio, si dhe programe të tjera argëtuese si “Portokalli”.
Interesante është edhe prania e emrit të këngëtarit Luiz Ejlli në vendin e 15-të, i cili ka qenë një nga figurat më të përfolura gjatë vitit të kaluar, kryesisht për pjesëmarrjen e tij në “Big Brother VIP”.
Këto statistika tregojnë jo vetëm preferencat argëtuese të shqiptarëve, por edhe ndikimin e madh të platformës YouTube në konsumimin e përmbajtjes digjitale.
