Njohja dhe zbatimi i kontratës kolektive në sektorin e arsimit ka mbledhur në një takim drejtuesit e sindikatave të shkollave të qarkut të Korçës dhe drejtuesin e Sindikatës së Pavarur të Arsimit të Shqipërisë (SPASH). Qëllimi i takimit ishte diskutimi mbi problematikat e mësuesve dhe zgjidhjet e mundshme për to.
Ky takim është pjesë e një serie takimesh që do të zhvillohen në të gjithë vendin me mbështetjen e fondacionit Friedrich Ebert.
Gjatë diskutimit, drejtuesit e sindikatave të shkollave të qarkut të Korçës raportuan mbi mënyrën e zbatimit të kontratës kolektive dhe rëndësinë e saj. Po ashtu, juristët prezantuan mekanizmat e kontrollit dhe mbikëqyrjes së këtij procesi.
