6 Janari në besimin e krishterë njihet si Dita e Ujit të Bekuar, besimarët në këtë ditë hidhen për të kapur kryqin dhe mbushin ujë të bekuar për mbarësi në familjet e tyre. Ky rit fetar mjaft i rëndësishëm në besimin e krishterë festohet cdo vit në datën 6 Janar.
Sigurisht që është festë e cila ndër vite është festuar dhe fiksuar edhe në aparate fotografikë. Në këtë postim po sjellim disa momente mjaft të bukura të publikuara nga Trajneri i Notit në Pogradec dhe sigurisht notari i mirënjohur Sotiraq Iftica. Ai ka ndarë me miqtë e tij në rrjetin social foto të pa publikuara më parë të cilat tregojnë të rinjtë e Pogradecit duke u bërë gati për të kapur kryqin në ujrat e liqenit. Fotot i përkasin vitit 1993.
Kjo ditë e madhe për të krishterët do të mbahet ditën e nesërme të shtunën e 6 Janarit, ku hedhja e kryqit do të bëhet në si cdo vit në ujrat liqenit të Pogradecit pranë urës në liqen. Pritet që temperaturat të jenë të favorshme dhe pjesëmarrja e të rinjve por edhe banorëve të jetë mjaft e lartë.
