Vetëm në dy ditë në Qarkun e Korçës janë shënuar 3 aksidente me 12 të plagosur. Aksidente këto të cilat janë shënuar në dy akset kryesore nacionale Qafë Thanë-Pogradec dhe Korçë-Bilisht.
Plot 10 të plagosur u shënuan vetëm një ditë më parë në dy aksidentet e ndodhura në rrugën Pogradec-Lin, rrugë e cila gjithmonë në raste reshjesh apo trafiku të rënduar përballet me pasoja të tilla.
Në të dyja aksidentet e ndodhura janë përfshirë të paktën pesë mjete dhe 10 të lënduar. Të dyja aksidentet kanë ndodhur në zona të njohura për policinë pasi aty ndodhin shpesh aksidente.
Ndërkohë. këtë 2 Janar një tjerë aksident u shënua në aksin Korçë-Bilisht edhe ky një aks mjaft problematik me shumë hyrje dalje dhe mungesë të shtuar të sinjalistikës apo ndriçimit në zona të caktuara që paraqesin rreziqe.
Një çift bashkëshortësh u goditën fort nga një mjet tjetër pranë fshatit Bitinckë duke marrë plagë të rënda në trup. Çifti u transportua drejt spitalit rajonal në Korçë për të marrë ndihmën e specializuar.
Ndërkohë policia dhe grupi hetimor mbrritën në vendngjarje ku nisën hetimet edhe për këtë aksident, aksident i cili bashkë me dy të tjerët e 1 Janarit ka sjellë një bilanc mjaft të madh të plagosurish plot 12 të tillë.
Nga Qafe Thana deri ne Kapshtice jane plot 140 kryqezime qe behen shkak per aksidente.
