Një aksident i rëndë ka ndodhur këtë pasdite në “Bypassin” e Vlorës.
Si pasojë e aksidentit, drejtuesi i mjetit, një 24-vjeçar ka humbur jetën, ndërsa pasagjeri është në gjendje të rëndë shëndetësore.
Siç shikohet edhe në pamje, automjeti është përplasur me burdurat anash rrugës dhe me pas është kthyer përmbys duke u dëmtuar tej mase.
“Reth orës 16:00, në bypassin-in e Vlorës, në afërsi të fshatit Kaninë, shtetasi I. P., rreth 24 vjeç, dyshohet se ka humbur kontrollin mbi drejtimin e automjetit tip “Benz” dhe si pasojë automjeti është përplasur me pjesën shkëmbore në anë të rrugës. Për shkak të dëmtimeve, drejtuesi i automjetit ka humbur jetën, ndërsa pasagjeri, shtetasi D. K., rreth 23 vjeç, është derguar në spital dhe ndodhet nën kujdesin e mjekëve“, njofton policia.
