Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Kuvendi i Shqipërisë sot do të mblidhet në orën 10:00 për të diskutuar një sërë çështjesh, të cilat janë parashikuar për rendin e ditës, ndërsa bien në sy edhe tema të mbartura nga legjislatura e kaluar.Bëhet fjlaë për “Projektligjin për statusin e gjyqtarëve dhe prokurorëve” ose ndryshe për Shkollën e Magjistraturës si dhe “Projektligjin për në ndryshim në Kodin Rrugor të Republikës së Shqipërisë”.
Pas fëmijëve 0-18 vjeç fishat e diabetit do të jenë falas edhe për studentët”. Deklarata vjen në Ditën Botërore të Diabetit, nga Ministrja Manastirliu në një aktivitet të zhvilluar për ndërgjegjësimin e qytetarëve në lidhje me masat për parandalimin e diabetit. "Me buxhetin e vitit 2019 do të mundësojmë që edhe për studentët, deri në 23 vjeç, fishat e diabetit të jenë falas", ka cituar ajo.
Arrestohet Ish-Ministri i Transportit të Maqedonisë Mile Janakieski dhe Ish-Sekretari i Qeverisë, Kiril Bozinovski. Ata janë arrestuar mbrëmë me kërkesë të prokurorisë speciale dhe vendim të Gjykatës Penale e më pas janë dërguar në burgun e Shutkës. Arrestimi ka ardhur si rezultat i arratisjes së ish-kryeministrit maqedonas Gruevskit dhe për të shmangur një largim të tyre policia i ka çuar pas hekurave.
Nje tërmet ka shkundur qytetin e Shkodrës. Termeti ka rënë vetem para pak minutash në këtë qytet ndërkohe që një natë me parë një tjeter është ndjerë në Malesine e Madhe. Momentalisht nuk raportohet për dëme materiale ndërsa ende nuk dihet se sa ishte shkalla e këtij termeti. Lëkundjet janë ndjerë dhe në Pukë e Lezhë.
Në një kohë kur ai është shpallur në kërkim ndërkombëtar, Ish-Kryeministri Gruevski ka thyer heshtjen. Përmes një postimi, ai bëri me dije se ndodhej në Budapest ku ka kërkuar azil politik. “Gjatë këtyre ditëve kam marrë kërcënime për jetën. Tashmë jam në Budapest, ku i kam kërkuar autoriteteve hungareze azil politik. Do të ngelem besnik ndaj çështjeve të Maqedonisë. Nuk do të heq kurrë dorë!”, shkruan ai.
Politika shqiptare do të duhet të presë mesin e muajit dhjetor për të mësuar opionionin e Komisionit të Venecias mbi kërkesën e opozitës për Vetting-un në politikë. Referuar burimeve, mësohet se Komisioni në fjalë i ka përcaktuar datat kur do të diskutohet dokumenti, i cili vlerësohet thelbësor për vendimmarrjen politike në Tiranë.
Ministria e Punëve të Brendshme në Maqedoni ka lëshuar urdhër arresti ndërkombëtar për Ish-Kryeministrin Nikola Gruevski. Vendimi ka ardhur pasi prej disa ditësh nuk ka asnjë të dhënë për vendndodhjen e tij. Ai po kërkohet nga policia për të vuajtur dënimin prej 2 viteve burg për rastin “Tanku”, e cila ka të bëjë me blerjen e një makine luksoze “Mercedes” me vlerë prej 600 mijë eurove duke shkelur ligjin.
Zv/Ministri i Brendshëm Sandër Lleshi, kërkon nga Presidenti Meta, t’i heqë atij gradën e “Gjeneralit”, si zgjidhje për t’i hapur rrugë dekretimit si Ministër i Brendshëm. Kërkesa i është adresuar Kreut të Shtetit, në përgjigjen që Kryeministri Rama i drejtoi Presidentit.
Mosdekretimi i Sandër Lleshajt si Ministër i Brendshëm, nga Presidenti Meta, pas propozimit të Kryeministrit Rama, ka vendosur në lëvizje Partinë Socialiste. Sot socialistët do t’i drejtohen Gjykatës Kushtetuese për të interpretuar nëse Presidentit i Republikës ka të drejtë të vendosë të mos dekretojë një propozim të kreut të Qeverisë për postin e Ministrit.
Monedhat kombëtare janë forcuar në të gjithë rajonin por në Shqipëri mbiçmimi i monedhës kombëtare Lekut, kundrejt Euros dhe Dollarit ka qenë më i forte. Të dhënat kombëtare të vendeve të përpunuara nga Banka Botërore tregojnë se, nga qershori 2017 deri në qershorin 2018, leku shqiptar është forcuar pothuajse me 5% në këmbim me monedhën e përbashkët euro dhe rreth 9% në raport me dollarin amerikan.
Trego më shumë