Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Përpjekjet e shqiptarëve për të kërkuar azil në Bashkimi Evropian duke kaluar përmes Kosovës, kanë shtyrë policinë të rikthejë kontrollet e dyfishta në Morinë. Vendimi bie ndesh me marrëveshjen e dy Qeverive. Prej vitesh Qeveritë e Shqipërisë dhe Kosovës premtojnë heqje të kufirit klasik mes dy vendeve por siç edhe është pranuar edhe në takimet dypalëshe, kjo ka mbetur në retorikë.
Dokumentet arkivore tashmë mund të merren online, përmes aplikacionit novator të prezantuar sot nga Drejtoria e Përgjithshme e Arkivave, nën kujdesin e Zv/Kryeministres dhe në bashkëpunim me AKSHI. Përmes këtij aplikacioni, studiuesit mund të porosisin nga çdo vend i botës, në çdo orë të ditës dokumentet që iu duhen dhe pasi të kryejnë pagesën përkatëse do të mund t’i marrin brenda 1-5 ditë.
Qeveria shqiptare ka planifikuar të nënshkruaje edhe tre kontrata të reja koncensionare në infrastrukturën rrugore dhe aeroportuale. Ndër to përfshihet edhe dhënia me koncesion e Autostradës, Tiranë- Durrës kundrejt vlerës 49 miliardë lekë. Projekti përfshin ndërtimin dhe mirëmbajtjen e rrugës. Projekte të reja janë autostrada Kashar-Rrogozhinë me 84 miliardë lekë.
Një defekt i rëndë elektrik në stacionin e pompimit të Fushë Krujës ka shkaktuar probleme në furnizimin me ujë të zonave Shijak, Maminas dhe Xhafzotaj. Prej dy ditësh po punohet për riparimin e defektit, ndërkohë që Ujësjellës Kanalizime Durrës bën të ditur se kjo situatë mund të vazhdojë e tillë edhe për dy ditët.
Drejtësia italiane me një vendim të datës 5 tetor të këtij viti, ka vendosur mbylljen e hetimit ndaj Ish-Ministri të Brendshëm Saimir Tahiri. “Megjithëse nuk ka dyshim mbi përmendjet e bëra nga Habilaj Moisi gjatë përgjimeve, në vlerësimin e Prokurorisë, në mungesë të përgjigjeve të vlefshme nuk egzistojnë elementët e vlefshëm për të ngritur akuzë”, thuhet në deklaratën e Prokurorit të Antimafias italiane.
Departamenti i Administratës Publike ka shpallur 403 vende të lira pune dhe ka ftuar të gjithë qytetarët që plotësojnë kriteret, që të konkurrojnë dhe për t’u bërë pjesë e Shërbimit Civil. DAP, ka njoftuar se për vendet vakante, qytetarët mund të aplikojnë në faqen online të këtij institucioni dhe me pas personat që plotësojnë kriteret do të ftohen, për t’iu nënshtruar testimit të sekretuar.
Presidenti i ekipit anglez te futbollit, Leicester City është mes 5 viktimave që mbetën të vdekur kur helikopteri i tij u rrëzua jashtë stadiumit. Lajmi për vdekjen e Vichai Srivaddhanaprabha u konfirmua nga klubi i tij. Dy anëtarë të stafit, piloti dhe një pasagjer mbetën të vdekur kur mjeti doli jashtë kontrollit dhe u rrëzua në një park makinash jashtë terrenit të klubit.
Ministrja e Kulturës së Greqisë, Mirsini Zorba ka reaguar për vrasjen e 35-vjeçarit, ndërsa ka theksuar se nuk është ulur asnjë flamur në Bularat, por të gjithë sipas saj janë valvitur lart. Ajo tregon detaje gjatë qëndrimit në Gjirokastër, por shton se lajmin për vrasjen e shtetasit grek e ka marrë vesh pasi është larguar nga Bularati.
Lajmi i vdekjes së 35-vjeçarit grek Kostandinos Kaçifa në Bularat pasi hapi zjarr ndaj policisë shqiptare u bë jehonë edhe në mediat ndërkombëtare. MPJ greke deklaroi se ishte e papranueshme që operacioni të çonte në humbjen e jetës njerëzore ndërsa MPJ shqiptare lëshoi një deklaratë ankesë, për politizimin e pajustifikuar të këtij rasti.
Qeveria greke ka folur për vrasjen e 35-vjeçasit Kaçifas. Nëpërmjet Zëdhënësit të saj, Tzanakopoulos pohon se autoritetet greke janë në komunikim me ato shqiptare. Duke iu përgjigjur deklaratës së Kryeministrit Rama, ai thotë se duhet të ulen tonet nga Qeveria shqiptare dhe se çështja nuk duhet të trajtohet me agresivitet kur një jetë është humbur, në mënyrë që të mos ushqehen reflekset e shoqërive.
Trego më shumë