Nga Korça sekretari i përgjithshëm i PD Flamur Noka si dhe kryetari i grupit parlamentar të kësaj partie Gazmend Bardhi u kanë bërë thirrje qytetarëve korçare të jenë të pranishëm në protestën e thirrur nga PD në datën 20 shkurt.
Bardhi i ka kërkuar çdo demokrati të marrë me vete edhe pjesëtarët e familjes në këtë protestë që sipas tij, do të jetë masive dhe paqësore.
Nga ana tjetër sekretari i përgjithshëm Flamur Noka i pyetur për skenarin e mundshëm të kësaj proteste, është përgjigjur shkurt kur tha “Protesta është protestë”.
Ditën e sotme figura kryesore të PD Bardhi e Noka u kanë kërkuar edhe demokratëve devollinj të jenë të pranishëm në protestën e 20 shkurtit.
