Gazetarja Zhaklin Lekatari, e cila së fundmi u “konfrontua”, me një pjesë të madhe të fytyrave publike në Kosovë, kur shkroi se “ndihet e sigurt në vend ku s’ka shqipe”, të shoqëruar me një fotografi nga Beogradi me flamur serb.
Shumë figura publike i reaguan Lekatarit, për mosrespektim të historisë së Kosovës, meqenëse vlerësuan se plagët në Kosovë ende janë ta hapura nga krimet serbe. Por, ajo del se ka qenë e dënuar nga institucionet e rendit në vendin tonë.
E gazetarja Lekatari, del se nuk kishte probleme vetëm me fytyra të njohura, e komentues të thjeshtë të rrjeteve sociale. Në Aktgjykimin e siguruar nga Nacionale, del se Lekatari kishte probleme edhe me shtetin e Kosovës. Saktësisht me organet e drejtësisë.
Zhaklin Lekatari, del të jetë e dënuar nga Gjykata e Prishtinës, për përpunim, prodhim dhe përgatitje të substancave narkotike. Keto vepra thuhet t’i ketë kryer në bashkëkryerje me Burim Kursani i njohur me emrin artistik Bim Bimma. Madje vetë gazetarja, e kishte pranuar fajësinë.Ajo u dënua me gjobë prej 500 eurove, si dhe me dënim me Burgim me kohzgjatje prej një (1) viti, dënim ky që nuk do të ekzekutohej, nëse e njëjta nuk do të përsëriste vepra penale për një periudhë prej dy viteve.
Kujtojmë se Lekatari mori vëmendje të madhe, pasi ishte pjesë e spektaklit “Big Brother VIP”, në rolin e opinionistes.
