Mungesa e krahut të punës në vendin tonë si pasojë e emigrimit masiv ka bërë që kompanitë shqiptare të kërkojnë puntorë nëpër botë. Vetëm në një kompani ndërtimi në Pogradec e cila punon në aksin rrugor Qukës-Qafë Plloçë, disa shtetas indianë, mes tyre inxhinerë, manovratorë deri tek puntorë të thejshtë. Anuj Upadhayay dhe Vinay Challapalli në profesion inxhinerë tregojnë eksperiencën e tyre në Shqipëri. Ata tregojnë se këtu po përjetojnë një eksperiencë të re pune por kanë gjetur edhe një bashkëpunim shumë të mirë me shqiptarët.
“Jam nga India, erdha këtu për punë sepse të provoja një eksperiencë dhe teknologji të re pune këtu. Ka një ndryshim të madh mes punës këtu dhe asaj në Indi. Kam një eksperiencë të mirë pune në Indi dhe erdha për të dhënë eksperiencën time por edhe të provojë punën këtu.
Kam 2 muaj që punoj këtu, jam inxhiner civil. Njerzit këtu janë fantastikë, janë të sjellshëm me ne, na ndihmojnë dhe janë shumë bashkëpunues në punë. Shqipëria është vend fantastik edhe njerzit po ashtu. Kam dëshirë të qëndroj, nëse kompania më lejon, mund të punoj 8-10 vjet këtu, më pëlqen këtu, vendi është shumë i bukur. Paguajnë edhe shumë mirë” Anuj Upadhyay- Civil Engineer
“Kam gati 5 vite eksperiencë pune si inxhiner. Pse zgjodha Shqipërinë? Së pari krahasuar me shumë vende të tjera të Europës, Shqipëria na jep mundësinë të punojmë me teknologjitë e reja, në Europë nuk është e lehtë të gjesh një punë, ndërsa këtu të mbështesin për të bërë punën. Këtu janë shumë bashkëpunues dhe kjo më shërben shumë për eksperiencën time.
Në Indi ne ndjekim të tjera standarde dhe këtu ka të tjera, por kjo lloj eksperience na shërben shumë. Punën e gjeta në linkedin, duke kërkuar në internet. Këtu kam gjetur njerëz shumë të këndshëm dhe miqësorë. Unë këtu nuk kam ardhur vetëm për pagën, por për të punuar në një vend të mirë dhe me eksperiencë dhe që të memorizohem këtu përgjithmonë, na paguajnë mirë, na kanë pritur mirë dhe na kanë akomoduar, gjithçka është shumë mirë” Vinay challapalli – QA/QC Engineer
Edhe shqiptarët shprehen të surprizuar me ta, me dëshirën e tyre për të punuar dhe faktin se janë tepër të dëgjueshëm në punë.
Vetëm në këtë kantier pune punojnë 21 indianë, të cilëve krahas kontratave të punës u është siguruar edhe akomodimi nga ana e kompanisë shqiptare.
