Gjithashtu Meta ka deklaruar se kur i ati kishte marrë vendimin për martesën e saj, iu shtua urrejtja dhe e vrau.
DURRËS– Dëshmia e 19-vjeçares Hygerta Meta është bërë publike për vrasjen e babait të saj. Mësohet se para policisë ajo nuk ka shprehur asnjë pendesë dhe dhe është e lumtur që e ka vrarë. Po ashtu ajo ka treguar dhe detaje nga jetesa e tyre, ku sipas 19-vjeçares babai ishte autoritar dhe i dhunshëm. Gjithashtu Meta ka deklaruar se kur i ati kishte marrë vendimin për martesën e saj, iu shtua urrejtja dhe e vrau.
“Jam e lumtur qe e kreva unë kete pune dhe nuk pendohem qe kam vrare tim ate. Ai na ka torturuar dhe i ka nxire jeten nenes time. Une jam femija i vogel i familjes. Motra eshte me e madhja eshte e martuar jane 2 vellezerit dhe pastaj une. Mami dhe ne nuk kemi folur kurre ne familje. Per gjithçka fliste dhe vendoste babai. Ai nuk na pyeste kurre çfare deshironim. Kur mori vendimin per martesen time aty erdhi fundi. Nuk degjoi çfare une doja. Mu mblodh nje urrejtje per nje kohe te gjate.
Diten e ngjarjes nuk u konfliktuam fare. Mora armen qe babi perdorte kur shkonte ne pune si roje dhe e qëllova brenda kasolles se bagetive. Pas krimit e kam mbeshtjelle me nje çarçaf pastaj me fasho e ne fund me qese. Armen e hodha buze detit”, tha Meta.
Si ndodhi ngjarja e rëndë?
Pëllumb Meta, 50-vjeç ishte raportuar i zhdukur nga djali i 10 ditë më parë. Pas kallëzimit për zhdukje, policia ka ngritur dyshimet se mund të jetë një ngjarje kriminale dhe kanë nisur hetimet.
Gjatë marrjes në pyetje të familjes lidhur me zhdukjen e Metës, ka qenë vajza e tij Hygerta Meta, e cila pasi është pyetur disa herë, ka treguar se e ka vrarë babanë e saj dhe e ka varrosur në kasollen pranë banesës së tyre.
