60 vite më parë në qytetin e Korçës do të vinte në jetë Jani Melka i cili që kur ishte fëmijë ka treguar se jeta e tij i përkiste lojës së volejbollit.
Në ekipin e të rinjve është shpallur kampion në Shkodër në vitin 1982 duke mundur Vllaznine në finale me rezultatin 3-1. Prej asaj dite e deri sa është larguar nga volejbolli i luajtur Jani Melka ka qenë padyshim lojtari më i mirë i linjës së organizimit për Skënderbeun dhe ekipin tonë kombëtar.
Jani Melka nuk ishte thjesht një organizator i kësaj loje, ai ishte një fantazist që nuk ishte parë me parë në lojën e rrjetës.
Shkëlqimin me të madh lojtari korçar do e kishte me ekipet greke aty ku është shpallur në 6 volejbollistet me të mirë të Europës në Champions League
Aris, Iraklis dhe PAOK ishin skuadrat që ai bëri historinë në Greqi, aty ku rrëmbeu zemrat e gjithë sportdashësve
Jani Melka prej disa vitesh është trajneri i ekipit tonë kombëtar në volejboll për të rritur, aty ku ka sjellë volejbolliste të talentuar të cilët luajnë për klube të ndryshme të Europës, ka sjellë fantazi të lojës së tij të shpejtë.
Korçari ka mësuar jo pak nga një organizator si Petrika Suxho për tja lënë më pas linjën e organizimit të Skënderbeut Donald Suxhos, djalit të Petrikes, volejbollist që bëri historinë në olimpiadat botërore me ekipin e USA.
Skënderbeu me Jani Melkën mbi të gjithë ka bërë shkollën e linjës së organizimit të volejbollit shqiptar.
U shekullofshi kampion
