Platforma mediatike Kolibri.al ka çelur një ftesë të veçantë për të gjithë nxënësit e moshës 6 deri në 18 vjeç që kanë pasion dhe talent për artin, krijimtarinë apo inovacionin.
Gjatë periudhës së verës, Kolibri.al do të realizojë një rubrikë speciale dedikuar promovimit të talenteve të reja të Qarkut të Korçës. Në fokus do të jenë fëmijët dhe të rinjtë që merren me muzikë, pikturë, art, punime me dorë, inovacion, aktrim, recitim apo çdo shprehje tjetër të krijimtarisë.
Të interesuarit mund të dërgojnë një video ose foto, shoqëruar me një përshkrim të shkurtër, në adresën http://m.me/kolibri.al ose në emailin: [email protected].
Rubrika synon të tregojë vlerat dhe potencialin e brezit të ri në qarkun e Korçës, duke i dhënë mundësinë çdo të riu të bëhet i njohur dhe të frymëzojë komunitetin.
“Promovojmë më të mirën e vendit tonë. Frymëzojmë komunitetin,” – është mesazhi që shoqëron këtë nismë të Kolibri.al.
