Mungesa e eksporteve apo edhe kërkesa e tregut vendas për mollën industrial, ka vënë në vështirësi dhjetra fermerë në Korcë të ciëlt sot për sot kanë ende sasi të mëdha të pashitura sa i përket mollës së cilësisë së dytë.
Në shumë fashtra ku kultivohet molla, fermerët po hasin vështirësi në gjetjen e tregut të shtijes së mollëve të cilat janë të destinuara për fabrika dhe prodhim lëngjesh. Duket se destinacioni final do të jenë kanalet dhe fushat bujqësore pasi askush nuk po e blen këtë produkt.
Nëse bisedon me fermeët do të të thonë problemi qëndron tek mungesa e tregut apo kontratave me kompanitë përpunuese të cilat kanë gjetur tashmë tregje jashtë vendit ku kjo mollë e cila importohet tregëtohet më lirë.
Ata i janë drejtuar zyrtarisht edhe Agjensisë Rajonale të Bujqësisë në Korcë për të parë mundësinë e gjetjes së një zgjidhje, por duket se në fund të tunelit nuk ka dritë. Fermerët thonë se tregëtarët luajnë me tregun, pasi duke u vonuar ta blejnë këtë mollë dhe duke marrë prodhim nga importi, do i detyrojë fermërët e Korcës që të ulin cmimin nën kosto. Por shumica prej tyre vit pas viti kanë preferuar ti hedhin në kanale dhe lumenj sesa ti shesin badjava.
