Kushtet atmosferike të këtij dimri kanë qenë të favorshme që blegtorët të vijojnë ende të nxjerrin në kullotë, bagëtitë e imta. Përgjegjësi i sektorit të mbarështimit në QTTB Romeo Prifti këshillon blegtorët që në kullotë t’i nxjerrin kafshët pas mëngjesit.
Prifti ndërkohë thotë se tek delet prej gati 2 javësh ka nisur sezoni i lindjeve të qingjave e në këto kushte, ushqimi në stallë duhet të jetë më i pasur në vlera ushqyese dhe i bollshëm.
Në qendrën e transferimit të teknologjive bujqësore mbarështohen rreth 400 krerë bagëtish të imta që janë reproduktorë me vlera të larta racore.
