Pensionistët e Pogradecit tashmë do të kenë një qendër ditore ku të kalojnë orët e ditës. Bashkia Pogradec në bashkëpunim me UNDP në kuadër të programit “Askush të mos mbetet pas” bënë të mundur hapjen e një ambjenti të ri pranë Pallatit të Kulturës. Ambjetni ose qendra ditore do ti japë mundësinë pensionistëve gra dhe burra që të kalojnë aty orët e ditës, të konsumojnë kafe ose caj falas si edhe të lexojnë gazetat. Qendra është e pajisur me ngrohje si edhe televizor.
Kryetari i Bashkisë Ilir Xhakolli u shpreh entuziast për këtë zotim të mbajtur ndërsa tha se shumë shpejt do të përfundojë edhe qendra në shëtitoren e qytetit.
“Ne si bashki duhet të jemi pranë pensionistëve për gjithçka, sidomos për t’i ndihmuar edhe në marrjen e ilaçeve apo shërbimeve të tjera. Krahas kësaj qendre do vijojmë ndërtimin edhe të qendrës në parkun e qytetit, punimet e të cilës kanë ndalur për shkak të motit. Të dyja këto ambiente janë për ju dhe duhet t’i shfrytëzoni sa më mirë. Unë do jem vazhdimisht këtu që të bashkëbisedojmë për problemet që ju shqetësojnë. Ne synojmë që bashkë me UNDP të organizojmë edhe eskursione në zona të ndryshme të rajonit me ju”
Dhurata Vrenozi përfaqësuesjsa e UNDP u shpreh e kënaqur me investimin dhe e gatshme të mbështesë bashkinë edhe për projekte të tjera.
-Programi “Askush të mos mbetet pas” është një program i Kombeve të Bashkuara dhe mbështetet nga qeveria zviceriane. Ne e kemi mbështetur bashkarisht me bashkinë e Pogradecit ngritjen e kësaj qendre dhe sigurisht që do të kemi përkushtim në mbështetjen e programeve të tjera për kategoritë në nevojë”
Pensionistët e pranishëm në këtë inagurim gjithashtu shprehën falenderimet e tyre në lidhje me këtë investim që pritej prej kohësh nga ata.
“Faleminderit për këtë të dhuratë dhe zotim të mbajtur”
“Ju falenderojmë për këtë “institicion” të munguar që i duhej qytetit. Ne synojmë që këtu të realizojmë edhe takime apo aktivitete që do të kenë për qëllim zhvillimin e qytetit.
“Edhe ne brezi i ri do kotribuojmë për këtë qendër për moshën e tretë, unë e fut veten tek brezi i ri dhe do jem këtu për të ndihmuar dhe kontribuar”
Qendra Ditore krahas shërbimit do të mundëosjë edhe aktivitete të ndryshme argëtimi, shfaqje apo organizime të tjera.
