Molla e Zvirinës dhe traktorët grekë.
Unë jam lexues i rregullt i lajmeve greke dhe ngjarjeve që ndodhin në shtetin fqinj. Më bën përshtypje përherë bashkëpunimi sindikalist. Sot në orën 12 mbi 2500 traktorë e dhjetra mijëra fermerë do të dalin në rrugët kryesore të gjithë Greqisë për të protestuar kundër deklaratës së Mitsotakis, i cili do të rikthejë taksën e naftës për bujqësinë.
Bashkëpunim midis gjithë fermerëve, opozita në asnjë moment nuk ka kërkuar të përfshihet, mediat të gjitha janë aty.
Në Shqipëri, pas 55 minutash në Zvirinë do të protestohet për mollët e ngelura stok si pasojë e futjes së mollës serbe. Pas cicërimit në vesh, një deputete e opozitës doli me vrap për deklaratë politike; “U bëj thirrje fermerëve të dalin në protestë” – a thoni rastësi? Pas saj, një tjetër opozitar me vrap për të folur për mediat. Fokusi do shkoje tek ta sesa tek fermerët. Vetëm Zvirina e Pirgu do dalë, as Devolli, as Dvorani, as Myzeqeja e askush tjetër. Ca media nuk do e transmetojnë se nuk merremi me lajmet e bujqësisë, ashtu janë ca punë.
Nganjëherë, e kupton që ky vend po ikën për lesh, për shkak të disa të poshtërve…
