Prej të paktën dy vitesh sasi të mëdha të grurit dhe misrit kanë ngelur të pa shitura në juglindje të vendit.
Si te mos mjaftonte kjo, prej disa muajsh kanë mbetur pashitur sasi të mëdha të patates dhe qepës. Shkak i kësaj sipas fermerëve është çmimit i ulët në treg ndërkohë që mos shitja e patates dhe qepës ka ardhur pasi ka sasi të mëdha të ardhura nga importi.
Ky është Gëzim Kreka nga fshati Orman i bashkisë së Maliqit i cili thotë se ka sasi të mëdha të pashitur të patates.
Të njëjtin shqetësim kanë edhe Gurali Dautllari e Feim Vila, fermerë nga fshati Sovjan i bashkisë së Maliqit të cilët kultivojnë në sipërfaqe jo të vogla patate dhe qepë.
Vetëm në fushën e Maliqit ka më shumë se 1400 hektarë të mbjellë me patate dhe qepë, që në total nga të dy kulturat bujqësore prodhohen me shume se 41 ton.
Deri para pak kohësh një kilogram patate është shitur me 50 lek për kg, po aq sa është shitur dhe qepa. Momentalisht bëjnë me dije fermerët, tregëtarët vendas nuk janë të interesuar për këto kultura bujqësore
