Fshatin Niçë më Gorë të Pogradecit e banuar 100% nga popullsia vllehe, rezulton se në banesat e saj karakteristike, objekte dhe vende ka të arkivuar çdo epokë historike nëpër të cilën ka kaluar. Edhe pse i braktisur masivisht, sot ky fshat piktoresk po rizgjohet, pasi të larguarit po kthehen dhe po restaurojnë shtëpitë ndërsa flitet edhe për ngritje bujtinash në funksion të agroturizmit dhe ekonomisë lokale.
Studiuesi i historisë dhe dokumentave Ledjan Zeqollari teksa ka vizituar fshatin sjell edhe një opinion se çfarë mund të gjesh aty;
“Niça, vendi ku çdo epokë historike duket sikur ka lënë gjurmën e saj.
Një fshat që mendohet se e ka marrë emrin nga arrat, pasi druri i kësaj peme është madhështor, shekullor, aq sa për të ekzistojnë edhe toponime si tek “Arrat e së Shenjtës”. Vendi i shtëpive të qëmotshme të ndëtuara aq bukur dhe nga njerëz bujarë. Aq bujarë janë njerëzit e këtyre anëve, sa edhe sot tregohet një histori se si u shpëtua një divizion i ushtarëve të cilët rrezikonin të ngrinin të gjithë në frontin e luftimeve gjatë Luftës Italo-Greke, dëshmi të së cilës i gjen lehtësisht nëpër muranat e shtëpive edhe sot. Fshati ku historitë dhe legjendat qëndrojnë aq pranë me njëra-tjetrën.
Gjithashtu dhe një urim për të gjithë besimtarët e krishterë në këtë Krishtlindje, me disa pamje nga Kisha e Shën Mërisë dhe Kisha Shën e Premte” shkruan Zeqollari.
Foto galeri
