Nga lagjja 8 e qytetit të Korçës, drejtuesi politik i Partisë Socialiste në këtë qark rikujtoi edhe një herë kalvarin e gjatë të vuajtjeve dhe shkatërrimeve që ka sjellë Partia Demokratike kur ishte në pushtet. Peleshi foli për kohën kur opozita e sotme shkatërronte natën atë që bashkia mundohej të krijonte për t’i kthyer Korçës dinjitetin, në vitin 2007. Sipas tij, kjo është një e shkuar që është lënë pas tashmë dhe nuk mund t’i besohet si një e ardhme më e mirë.
Më tej, Peleshi u ndal edhe te rëndësia e këtyre zgjedhjeve, ku objektivi madhor është anëtarësimi i Shqipërisë në Bashkimin Europian, çka përkthehet në zgjidhje më të shpejta për problemarikat e vendit sesa nëse do të qëndronim jashtë tij.
Për të gjitha këto, Niko Peleshi, së bashku me kandidatët e tjerë të Partisë Socialiste në Qarkun e Korçës, ka kërkuar mbështetjen masive në zgjedhjet e 11 majit, për të vijuar me besim dhe siguri rrugën e nisur prej vitit 2013.
