Prezantohen punonjësit e rinj të instituteve dhe qendrave kërkimore të Akademisë së Shkencave.
Ndër ta spikat dhe prof. dr. Neli Naçi, profesor i universitetit “Fan S. Noli” i cili do të jetë punonjës kërkimor shkencor dhe do të mbulojë fushat e folklorit të shkruar, në Institutin e Antropologjisë pranë Akademisë së Shkencave
Kryetari i Akademisë së Shkencave të Shqipërisë, akad. Skënder Gjinushi ka zhvilluar një takim për t’u prezantuar me punonjësit e sapoemëruar të instituteve dhe qendrave pranë Akademisë së Shkencave të Shqipërisë. Në këtë takim akad. Gjinushi vlerësoi kurrikulumet e konkurrentëve, si dhe punën e mirë të komisioneve në përzgjedhjen e tyre, bazuar vetëm mbi kriteret profesionale. Ai vuri në dukje punën dhe rolin e institucioneve kërkimore, vlerën dhe rëndësinë e projekteve të mëdha shkencore të ndërmarra nga ASHSH, në fushën e albanologjisë, e më gjerë.
Më tej, Kryetari i ASHSH, akad. Gjinushi, diskutoi për përfshirjen sa më plotë të punonjësve të rinj në jetën institucionale.
Tashmë, institutet dhe qendrat pranë Akademisë së Shkencave të Shqipërisë janë plotësuar me 8 punonjës të rinj shkencor.
Punonjësit e sapoemëruar janë:
1. Dr. Stefano Romano, punonjës kërkimor shkencor, në specialitetin studiues i arteve: arkitekturës/planifikimit urban/artit në hapësirën publike” në Qendrën e Studimit të Arteve, pranë Akademisë së Shkencave.
2. Dr.Kreshnik Duqi, punonjës kërkimor shkencor, në specialitetin studiues i arteve: muzikë, në Qendrën e Studimit të Arteve pranë Akademisë së Shkencave.
3. Dr. Aristotel Spiro, Punonjës kërkimor shkencor, me fushë kërkimi: Studime në gramatikë historike, në Institutin e Gjuhësisë dhe Letërsisë pranë Akademisë së Shkencave.
4. Dr. Neli Naço, Punonjës kërkimor shkencor, (i cili do të mbulojë fushat e folklorit të shkruar), në Institutin e Antropologjisë pranë Akademisë së Shkencave.
5. Dr. Silvana Nini, punonjës kërkimor shkencor, (e cila do të mbulojë fushat e arteve dhe dijebërjes tradicionale), në Institutin e Antropologjisë pranë Akademisë së Shkencave.
6. Erikson Nikolli, punonjës kërkimor shkencor, në Institutin e Arkeologjisë pranë Akademisë së Shkencave.
7. Suela Xhyheri, punonjës kërkimor shkencor, në Institutin e Arkeologjisë pranë Akademisë së Shkencave.
8. Surja Lela, asistent kërkues-shkencor, në Institutin e Arkeologjisë pranë Akademisë së Shkencave.
