Tradita e të lindurit fëmijë në moshë të vogël mund t’i kushtojë Dritson Kurtit 25 vite burg, pasi prokuroria e Korçës ka mbyllur hetimet duke e akuzuar për marrdhenie seksuale me të mitur, përcaktuar në nenin 100/2 i kodit penal, ku caktohet dënim jo më pak se 25 vite burg
13 vjeçarja e cila bashkëjetonte me Kurtin, marrdhenie ku lindi dhe një fëmijë, me lot në sy kërkon lirimin e burrit të saj.
“Kam 5 muaj që nuk e takoj dot sepse linda e vogël, 13 vjeçe. Nuk e mbajti fëmijën në krah, me ka marre malli, dua të me lironi burrin, nuk me mori me dhunë, është i pafajshëm. Ai nuk e dinte moshën time. Nuk ka kush me ushqen, me nënën rri, me lironi burrin. Ska kush me jep buke, nëna një pension merr, të marr ilaçe, ushqime për cupen, borxhe marrim“- u shpreh Adelajda Jonuzi.
Gjyshja e Dritson Kurtit tregon se kjo është traditë e komunitetit rom, ku lindin në moshë të vogël e se nipi i saj nuk ka vrarë askënd, ndaj e kërkon lirimin e tij
“Ne traditë e kemi, djali as vrau, as ka therrur, me marrëveshje e morëm nusen, nusja lindi normale, me gjithë cupen, çfarë beri nipi im që kërkon kaq burg? Njerëzia vriten, c është kjo që nuk na nxjerrin djalin. Nusja e sëmurë, unë e sëmurë, kush ta mbajë fëmijën? Të ketë mëshirë e nxjerrin nipin. Me mua është nusja, me fëmijën, ajde shikoje si jetojnë ne vështirësi, çfarë traditë kemi ne. Unë gjithë nuset I kam marrë 14,13,12 vjeç, asnjëherë nuk kemi patur probleme”– tha Fidarie Kurto.
Dritson Kurti u arrestua në Shtator të vitit të kaluar, nën akuzën e marrëdhënies seksuale me të mitur.
