Pas një periudhe pune 2-vjeçare dhe përpjekjesh shumë sfiduese, largohem nga detyra si Drejtor i Përgjithshëm i AKVMB. Ky është një kapitull mjaft i rëndësishëm profesional, i cili do të mbetet gjatë në kujtesën time për lidhjen e fortë që kam krijuar me gjithë kolegët veterinerë, dhe përkushtimin që kemi pasur për arritjen e qëllimeve tona të përbashkëta.
Dua të shpreh falënderimet e mia të sinqerta për besimin dhe mbështetjen e dhënë nga Kryeministri, Ministrja e Bujqësisë Znj. Denaj dhe ish -Ministrja Znj. Krifca!
Kam patur privilegjin të punoj me një ekip të jashtëzakonshëm, të përkushtuar dhe profesional, dhe jam krenar për gjithçka që kemi arritur së bashku.
Përtej rezultateve dhe projekteve, janë marrëdhëniet që kemi ndërtuar, ato që do të mbeten gjithmonë pjesë e kujtimeve të mia më të mira. Ju falënderoj për përkushtimin, mbështetjen dhe angazhimin tuaj të vazhdueshëm! Pa ju, rrugëtimi im në këto dy vite nuk do të kishte qenë i njëjtë.
Kam besim se Drejtuesi i ri dhe ekipi aktual është i aftë të përballojë çdo sfidë dhe të çojë përpara këtë sektor të rëndësishëm.
Ju falënderoj nga zemra dhe ju uroj të gjithëve shëndet, suksese dhe përmbushje në të gjitha aspektet e jetës!
Me mirënjohje të thellë dhe respekt,
