Agron Shehaj ka hapur zyrën e partisë Mundësia në Korçë, ku ka zhvilluar edhe një takim me qytetarët.
Në një prononcim për mediat, ai foli në lidhje me akuzat se opozita po dëmtohet nga partitë e reja.
Ai tha se arsyeja përse ka krijuar një lëvizjhe të re politike është që të rrisë besimin e qytetarëve për një rotacion politik dhe të ndalë largimin.
“Ne shohim cila është zgjidhja dhe çfarë duhet të bëjmë që kjo që po ndodh në Shqipëri, 12 vjet që kemi një pushtet në duart e një njeriu të vetëm, po nuk vepruam me shumë gjasa do të zgjatë edhe 12 vite të tjera. Kjo është ajo që mua më intereson dhe ajo për të cilën po punoj.
Di të them që nëse kjo situatë vazhdon në këtë mënyrë, më shumë shqiptarë do ikin, më pak qytetarë do të besojnë se mund të ketë në Shqipëri një rotacion politik. Kjo është arsyeja pse kemi vepruar dhe kemi krijuar një lëvizje të re politike të besueshme se besueshmëria është e domosdoshme“, theksoi Shehaj.
