Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Ministri i Brendshëm, Horst Seehofer deklaroi se “myslimanët janë pjesë e Gjermanisë”, gjatë ditës së parë të Konferencës së Islamit në Gjermani. Deklaratën e ministrit kristiansocial të Punëve të Brendëshme Horst Seehofer, se myslimanët janë pjesë e Gjermanisë, disa e konsideruan një kthesë 360 gradë, ndërsa disa të tjerë e panë në një këndvështrim më pak dramatik.
Italia duhet të bëjë ndryshime thelbësore në projektbuxhetin e saj për vitin 2019 për të shmangur veprimet ndëshkuese nga Brukseli, deklaroi dje zëvendëspresidenti i KE, Valdis Dombrovskis. Ai kërcënoi se do të ndërmarrë masa kundër Romës sepse po planifikon një deficit prej 2,4% të Prodhimit të Brendshëm Bruto për vitin e ardhshëm, duke shkelur rregullat e eurozonës mbi buxhetin.
Në konfliktin me Rusinë, Presidenti ukrainas, Petro Poroshenko vazhdon kursin e konfrontimit e jo të çtensionimit. Ai i ka kërkuar drejtpërdrejt Gjermanisë e NATO-s ndihmë ushtarake. “Merkel është një mike e madhe e Ukrainës. Në vitin 2015 përmes negocitatave në Minsk ajo e ka shpëtuar njëherë vendin tonë dhe ne shpresojmë që bashkë me ne dhe aleatët e tjerë të na mbështesë po kaq shumë”, ka thënë ai.
Kancelarja Merkel u zotua se do të ushtrojë presion mbi Putin pas përshkallëzimeve të fundit në Ukrainë, ndërsa hapi një konferencë kyçe të Berlinit me zyrtarët ukrainas. Poroshenko i Ukrainës i ka kërkuar NATO-s ndihmë detare. Merkel fajësoi Rusinë për rritjen e tensioneve, pasi Rusia kapi tre anije ukrainase në Detin Azov këtë javë.
Hungaria nuk e ka shkelur sovranitetin e Maqedonisë dhe nuk ka kurrfarë lidhje me arratisjen e ish Kryeministrit Gruevski. Kështu thotë shefi i kabinetit të qeverisë hungareze. Duke u përgjigjur në pyetjet e gazetarëve, ai tha se askush nuk i dorëzon raporte ditore se ku gjendet Gruevski dhe se ai nuk ka mbrojtje sociale, përveç që ka të drejtë për shërbime që parashihen në Ligjin për emigrantë.
Trump, ka anuluar një takim të planifikuar me presidentin rus Vladimir Putin, i cili do të mbahej në Samitin e G20 në Buenos Aires të shtunën. Anulimi i takimit u njoftua nga vetë shefi i Shtëpisë së Bardhë, Donald Trump. Sipas mediave amerikane, anulimi i këtij takimi të parashikuar për të shtunën në Argjentinë është bërë nga tensioni i ndezur mes Rusisë dhe Ukrainës.
Pas deklaratave të këshilltarit ligjor të PD, Gazmend Bardhi se projekti 40 mln euro është tenderuar pa studim fizibililiteti, pa vlerësim të ndikimit në mjedis, pa analizë kostoje, i pa vlerësim shpronësimesh, ka reaguar Autoriteti Rrugor Shqiptar. Nëpërmjet një njoftimi, ARSH i kërkon Bardhit të konsultohet me Kryetarin Basha përpara se të dalë në një komunikim të tillë me median.
Policia e Tiranës ka arrestuar dy protestues të zonës së Astirit në kryeqytet si dhe janë proceduar në gjendje të lirë 20 të tjerë. Në pranga kanë përfunduar Romeo Llulla dhe Kujtim Ylli, pasi akuzohen për tubim të paligjshëm, pengim të qarkullimit të mjeteve, shkatërrim të pronës dhe prishje të qetësisë publike.
Deputetja e LSI-së, Klajda Gjosha, ka folur sot për procesin e Integrimit të Shqipërisë drejt BE. Ajo përshëndeti Parlamenti Europian, i cili votoi me 459 vota raportin e vitit 2018 për Shqipërinë, si një mundësi për hapjen e negociatave në qershor të 2019. Gjosha theksoi se një ndër problemet bazë të Shqipërisë mbetet reforma zgjedhore, e cila ka 5 vite që pret në sirtarë.
Pavarësisht arrestimit të dy protestuesve dhe procedimit në gjendje të lirë të 20 të tjerëve, qytetaret e zonës së Astirit të cilët preken nga projekti i Unazës së Re kanë dalë sërish në protestë në ditën e 26 të tyre. Protestuesit kërkojnë të mos shemben banesat e tyre, ndërsa shprehen se punonjësit e bashkisë po punojnë natën duke hequr pemët dhe ndriçimin. Ato bëjnë thirrje për lirimin e dy të arrestuarve
Trego më shumë