Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Shqipëria ka emetuar për herë të parë një eurobond me afat 7-vjeçar në tregjet ndërkombëtare, përmes të cilit qeveria mori 500 milionë euro hua. Ankandi, i konsideruar si një test i rëndësishëm për kredibilitetin e ekonomisë shqiptare, ka përfunduar. Nga Parisi, Ministri i Financave, Arben Ahmetaj pohoi se me këtë eurobond bëhet i mundur zëvendësimi i një borxhi të mëparshëm më të shtrenjtë.
Ministria e Financave njoftoi se sot pritet dalja me sukses në tregjet ndërkombëtare për Eurobondin. Pas një jave intensive takimesh me investitorët në disa prej qendrave kryesore financiare evropiane, pritet sot finalizimi i një procesi të rëndësishëm për ekonominë dhe financat shqiptare. Shqipëria synon të marrë hua deri në 500 milionë euro, përmes emetimit të Eurobondit, me afat maturimi 5-7 vjet.
Ambasadorja e Kinës, Jiang Yu dhe Kryebashkiaku i Fierit, Armando Subashi zhvilluan një vizitë zyrtare në ambientet e kompanisë së naftës, "Bankers Petroleum". Kompania, e cila operon për më shumë se 15 vitesh në fushën e naftës së Patos-Marinzës, që nga viti 2016 është blerë nga kompania kineze "Geo-Jade". Ambasadorja e Kinës vlerësoi bashkëpunimin institucional midis kompanisë dhe Bashkisë së Fierit.
Kina ka vendosur rritjen e çmimit të naftës dhe gazit. Kjo është rritja e 3 brenda muajit, sipas komisionit përkatës të mbikëqyrjes së tregut. Çmimet komerciale do të rriten me 240 yuan, rreth 35 dollarë, për 1 ton benzinë dhe me 230 yuan për naftën. Nëse çmimet ndërkombëtare të naftës ndryshojnë në tepërt e 50 yuan për ton, atëherë çmimet e produkteve të naftës do të rregullohen në përputhje me rrethanat.
SHBA dhe Kanadaja kanë arritur një marrëveshje të re tregtare, së bashku me Meksikën, për të zëvendësuar marrëveshjen aktuale të Tregtisë së Lirë të Amerikës së Veriut (Nafta). Marrëveshja Shtetet e Bashkuara-Meksiko-Kanada (USMCA) thuhet se i jep më shumë akses SHBA-së në tregun e qumështit të Kanadasë dhe uljen e tarifave për eksportin e makinave të Kanadasë në SHBA.
Kryeministri Rama ka marrë pjesë në inagurimin e nisjes së punimeve të rrugës Kardhiq-Delvinë. Rama ka thënë se ndërtimi i kësaj rruge do të shkurtojë përshkimin e distancës nga Tirana në Sarandë në 3 orë. Ai u shpreh se kjo rrugë do të bëjë të mundur që të ketë një rritje të punësimit, lëvizjes duke ndikuar drejtpërdrejt në rritjen ekonomike.
Ministria e Tregtisë dhe Industrisë (MTI), ka propozuar të nisen hetime për importin e vajit të palmës në Kosovë, pasi në 3 vjetët e fundit, importi i këtij produkti ka shënuar rritje të madhe. Vëllimi i importit në kilogramë, nga viti 2015 deri në vitin 2018, është rritur për 246%, thuhet në një dokument të MTI-së, të siguruar nga Radio Evropa e Lirë.
Qeveria populiste e Italisë ka arritur një marrëveshje për shpenzimet në përpjekje për t’i dhënë fund varfërisë me buxhetin e saj të parë. Partitë udhëheqëse "M5S" dhe “Lega Nord” njoftuan se kanë rënë dakord për defiçitin buxhetor në nivelin 2.4 për qind të prodhimit të brendshëm bruto. Ata do të vijojnë përpjekjet për një minimum të ardhurash për të papunët.
Ministri Ahmetaj, përmes një statusi në FB, ka deklaruar se ekonomia shqiptare vijon të jetë në trend pozitiv. Sipas Ahmetajt, duke marrë në shqyrtim 6 muajt e parë të vitit 2018, shifrat tregojnë se rritja ekonomike është më e larta në 8 vitet e fundit. "Së shpejti me buxhetin dhe paketën fiskale 2019, të tjera lajme të mira dhe lehtësi të rëndësishme për të prezantuar”, thekson Ministri.
Guvernatori i Bankës së Shqipërisë, Gent Sejko, priti sot në një takim zyrtar Ambasadorin e Republikës së Hungarisë në Shqipëri, Lóránt Balla. Sejko theksoi se mbështetja e një vendi anëtar në Bashkimin Evropian, si Hungaria, mbetet e një rëndësie të veçantë për hapjen e negociatave dhe integrimin e plotë të Shqipërisë në BE.
Trego më shumë