Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Zbardhen 20 pikat e paketës McAllister Plus, ku kryesoret janë: zv/kryeministër i përkohshëm i propozuar nga opozita, caktimi konsensual i katër ministrave, kryetari i KQZ dhe Avokati I Popullit të zgjedhur nga opozita, zgjedhje në 16 korrik, dekriminalizimi, mbështetje ndërkombëtare për forcimin e monitotorimit të regjistrit të zgjedhësve dhe kthimi i opozitës në Parlament, për formimin e Komisioneve të Vetingut.
Palët janë dakort në parim me paketën McAllister, përveç datës së zgjedhjeve. Rama ka vendosur datën më të vonshme të zgjedhjeve 23 korrikun, ndërsa Basha kërkon shtyrjen deri në shtator sepse duhet kohë të impementohet numërimi elektronik dhe identifikimi biometirk i votuesve. Donald Lu është në kontakt me të dy palët dhe ekspertë janë mbledhur dhe po llogarisin sa kohë duhet për të plotësuar dy kërkesat e opozitës.
Ambasadori i Shteteve të Bashkuara, Donald Lu është takuar sot me kryetarin e Partisë Demokratike, Lulzim Basha për të diskutuar për krizën politike në Shqipëri dhe zgjidhjen e saj. Pas këtij takimi Donald Lu pritet të takojë përsëri kryeministrin Rama. PD ka bërë të ditur se e pranon paketën McAllister Plus, të propozuar nga SHBA, por sipas tyre kjo gjë nuk është pranuar nga Edi Rama.
Ish-kryeministri Sali Berisha, me anë të një mesazhi në ‘Facebook’, ka shuar zërat se ai fshihej pas përzgjedhjes së emrave të kandidatëve të PD që do garojnë për zgjedhjet parlamentare të 25 qershorit. Berisha u është përgjigjur komenteve sa i takon faktit nëse ka qenë ai që ka propozuar listat, apo vet Basha. Sipas Berishës, e drejta për të përgatitur listat e kandidatëve është ekskluzivisht e kreut të PD, Basha.
Kryeministri Rama ka shkruar se sot në Bruksel vijon takimi me krerët e shteteve të vendeve anëtare të NATO-s. “Pas takimeve mbrëmë, me Përfaqësuesen e Lartë të BE, Mogherini dhe liderët e Ballkanit Perëndimor për perspektivën europianeve të vendeve tona, vijon sot takimi me Krerët e Shteteve të vendeve anëtare të NATO-s, me Presidentin Trump, Kancelaren Merkel, Mbretin e Belgjikës dhe personalitete të tjera”, shkruan ai.
Një ditë pasi i kërkoi kryeministrit Rama t’i bënte vetë ftesë të tërhiqej nga zgjedhjet, duke refuzuar thirrjen e Petro Koçit për të votuar PS-­në, kreu i PDS­ Paskal Milo zhvillon sot një takim me kryetarin e LSI­-së, Petrit Vasili. Zyra e LSI­ bën me dije se: “Kryetari i LSI-së, Z. Vasili në orën 10:00 pret Kryetarin e PDS-së, Z. Paskal Milo tek LSI. Pas takimit ka një konferencë të përbashkët për media”.
Kreu i opozitës, Lulzim Basha ka postuar në Facebook, një spot për hapjen e fushatës së PD-së në 27 maj, ora 19:00. Në video PD u thotë qytetarve se pas fitores së parë në cadër, të mblidhen edhe një herë për të arritur fitoren e radhës. “Nisim rrugën drejt fitores vendimtare”, shkruan Basha. PD pritet që brenda ditës së nesërme të zyrtarizojë listën e kandidatëve për deputetë në 12 qarqet e vendit.
Kryetari i Kuvendit, Ilir Meta, deklaroi se “Kuvendi ka bërë përparime në kuadër të funksionimit të tij, por jemi të ndërgjegjshëm se demokracia në zhvillim që kemi ka nevojë për një Parlament më të fortë”, duke mos harruar të falenderojë BE-në për një projekt financimi për fuqizimin e Kuvendit. Meta deklaroi gjithashtu se i është hapur rrugë punës së Kuvendit për reformën në drejtësi.
Drejtuesit e 10 televizioneve në vend i kanë dërguar një letër KQZ-së, AMA-s dhe OSBE-së pas vendimit të dy partive të mëdha që i detyron televizionet të japin reklama pa pagesë për partitë parlamentare dhe jo parlamentare gjatë fushatës zgjedhore. Në letrën që mban firmën e 10 televizioneve, kërkohet që partitë politike të marrin masa për zbatimin e Kodit Zgjedhor, i cili prevalon mbi ligjin e partive politike.
Monika Kryemadhi asnjëherë nuk i ka fshehur kritikat e saj ndaj qeverisjes së PS. Ajo u shpreh: “Ne do bëjmë koalicion me kë të na përputhet programi, pavarësisht se jemi parti e qendrës së majtë. PD është më e majtë se PS”. Ndërsa pyetjes nëse e meriton vendi të ketë sërish kryeministër Edi Ramën pas 25 qershorit, Kryemadhi i'u përgjigj shkurt: “Skeptike jam. Vendi ka nevojë për njerëz të përulur dhe jo arrogantë”.
Trego më shumë