Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Dita e Falenderimeve ishte një ditë reflektimi për Ariana Granden. Ylli i popit kujtoi marrëdhëniet e saj me ish të dashurin Mac Miller, që vdiq nga një mbidozë droge rreth 3 muaj pasi çifti u nda. Këngëtarja postoi një fotografi që kishte bërë me të ndjerin në Ditën e Falenderimeve në vitin 2017, me përshkrimin: "Më mungon".
Dy policë janë vrarë dhe një roje sigurie është plagosur në një sulm të armatosur në konsullatën kineze në qytetin bregdetar pakistanez të Karaçit. Raportohet se katër persona të armatosur u përpoqën të hynin në konsullatë por u ndaluan nga rojet e sigurisë në një pikë kontrolli. Tre sulmues janë vrarë nga policia në një shkëmbim zjarri.
Çmimet botërore të naftës kanë rënë në nivelin më të ulët për më shumë se një vit. Rënia e çmimit të naftës ka ndodhur tashmë për 7 javë rresht. Çmimet e naftës tashmë janë në nivelet më të ulëta që prej tetorit të vitit 2017, teksa çmimi i naftës amerikane ka rënë në 50,42 $ për fuçi, e çmimi i naftës në Londër ra për 6,1 për qind, përkatësisht një fuçi naftë, më 23 nëntor, në Londër u shit p
Theresa May po shkon në Bruksel përpara samitit kritik të BE për të nënshkruar zyrtarisht marrëveshjen e Brexit. Kryeministrja do të zhvillojë bisedime me zyrtarët e lartë të BE, përpara se udhëheqësit e të 28 vendeve të takohen për të miratuar marrëveshjen të dielën. Megjithatë, Spanja ka pohuar se nuk do të marrë pjesë nëse nuk zgjidhet çështja e Gjibraltar.
E ardhmja e Gjibraltarit është pengesa e fundit drejt marrëveshjes së plotë mbi Brexit, dy ditë përpara samitit të jashtëzakonshëm në Bruksel. Negociatorët e 27-të dhe të Britanisë së Madhe arritën një marrëveshje mbi “traktatin e tërheqjes” të Britanisë së Madhe nga BE-ja, e planifikuar për 29 mars 2019, dhe mbi “deklaratën politike” e cila skicon marrëdhëniet e tyre postBrexit.
Një bombë ka shpërthyer në një xhami të mbushur me trupa ushtarake në Afganistan, duke vrarë të paktën 27 prej tyre. Ndërsa nuk dihet ende se si u shkaktua shpërthimi. Dhjetra ushtarakë të tjerë u plagosën gjatë sulmit në një bazë ushtarake në rrethin Mandozai pranë kufirit me Pakistanin. Asnjë grup nuk ka marrë përsipër përgjegjësinë për sulmin.
Dy gazetarë sirianë, kritikë të regjimit dhe militantëve islamikë, janë vrarë në provincën Idlib, njoftoi radiostacioni ku punonin. Sulmues të panjohur, i dërguan gazetarët Raed Fares dhe Hammoud al-Juneid me një furgon në qytetin Kafranbel, ku më pas i ekzekutuan. Sipas Observatorit Sirian për të Drejtat e Njeriut, të dy gazetarët vdiqën menjëherë nga plagët e marra.
Skuadra e Milanit duket se ka rikuperuar në kohë dy futbollistë si Hakan Çalhanoglunë dhe Davide Kalbrian. Dyshja e lojtarëve braktisi grumbullimin (Turqi dhe Itali U-21), por kjo duket se ka qenë me valë të shkurtra, sepse gjendja e tyre nuk është serioze dhe Milani pret t’i shohë ato në fushë. Stërvitja gjatë ditës së nesërme do të zbardhë detaje të reja për sfidën e së dielës.
Italia mund të gjobitet deri në 9 miliardë euro nga KE, ndërsa Qeveria Conte nuk heq dorë nga draft buxheti 2019. Kjo e fundit sugjeron që të kryejë disa modifikime duke i kërkuar Brukselit kohë për të provuar efektet pozitive të masave ekonomike. Është hera e parë që KE merr masa ndaj një vendi anëtar që nuk ka respektuar normativën e buxhetit përcaktuar nga pakti i stabilitetit mes vendeve anëtare.
Presidenti Trump është shprehur se CIA nuk ka dalë në përfundimin se ka qenë pikërisht princi i kurorës saudite, Mohammed bin Salman, ai që ka urdhëruar vrasjen e gazetarit Khashoggi. Zyrtarët e shërbimit sekret amerikan kanë pohuar për mediat amerikane se, një operacion i tillë ka pasur nevojë aprovimi nga princi në fjalë, por Arabia Saudite vijon të këmbëngulë se ai ishte një “operacion i shkuar keq”.
Trego më shumë