Është plagosur me thikë një ish-agjent policie nga një person në aeroportin ndërkombëtare të Miçiganit në Shtetet e Bashkuara. Viktima është në gjendje të rëndë. Agresori ka thërritur Allahu Ekber në momentin kur sulmoi ish-policin. FBI po heton ngjarjen si një akt të mundshëm terrorist. Kompania që menaxhon aeroportin njoftoi se të gjithë udhëtarët janë të sigurtë dhe se nuk kanë pësuar asnjë dëmtim.

Shtetit Islamik ka hedhur në erë xhaminë Grand Al-Nuri në Mosul dhe minaren e saj të veçantë. Xhamia është ndërtuar në vitin 1172. Shteti Islamik, përmes ueb-faqes së tij Amaq, tha se xhamia është shkatërruar nga një sulm ajror i Shteteve të Bashkuara.Por, një zëdhënës i koalicionit që lufton grupin ekstremist në Irak, tha se në zonën ku ndodhet xhamia, nuk ka pasur sulme ajrore.

Ushtaret e Izraelit po habisin të gjithë botën, dhe kjo jo për forcën e tyre por për bukurinë fizike që e i karakterizon. Një faqe në Instagram është krijuar posaçërisht për këto femra, që karierën e tyre e kanë zgjedhur në ushtri, por nuk kanë frikë të tregojnë edhe format e tyre. Të gjithë qytetarët izraelit e kanë të detyruar shërbimin ushtarak në moshën 18 vjeçare, përfshirë këtu edhe femrat.

Yuri Drozdov, kryespiuni i kohës sovjetike, i cili ka mbikëqyrur një rrjet të gjerë të spiunëve të KGB-së që jetonin jashtë territorit sovjetik, ka vdekur në moshën 91-vjeçare. Nuk janë dhënë detaje për shkakun e vdekjes. Presidenti rus, Vladimir Putin u shpreh se Drozdov ka qenë “spiun legjendar” dhe “patriot i vërtetë”.

Princ Harry ka thënë se asnjë anëtar i familjes mbretërore të Britanisë së Madhe nuk dëshiron të jetë mbret, apo mbretëreshë. Jemi të përfshirë në modernizimin e monarkisë britanike. Nuk po e bëjmë këtë për vete, por për një punë më të mirë për njerëzit”, ka shtuar Harry.

Është arrestuar një ish-punonjës diplomacie në Shtetet e Bashkuara , me akuzat se i ka dorëzuar dokumente “top secret” një agjenti kinez. 60-vjeçari nga Virginia, Kevin Mallory ka udhëtuar drejt Shangait në mars dhe prill të këtij viti dhe iu gjetën në valixhe një shumë prej 16.500 dollarësh “cash” të pa deklaruara. Një zyrtar i lartë i Departamentit të Drejtësisë tha se akuzat ndaj tij janë “serioze”.

Senatorja në Australi ngriti një mocion në Parlamentin federal australian, ndërsa ushqente me gji vajzën e saj 14 muajshe. Vendimi i senatores për të ushqyer me gji vajzën në Parlament shkaktoi mesazhe të panumërta përkrahjeje dhe lavdërimi për guximin e treguar, por kishte edhe nga ata që nuk e pëlqyen aktin e saj, duke shprehur fjalë fyese.

Shoferët në Nantë ishin të zemëruar se duhet të veshin pantallona në diellin e nxehtë, ndërsa koleget e tyre femra mund të tregojnë këmbët e tyre. Në shenjë proteste, ashtu si disa nxënës në Britani, shoferët u veshën me funde, dhe pronari i tyre vendosi të lehtësojë disi uniformën.

Disa ditë pas ngjarjes tragjike që tronditi mbarë opinionin publik, ku një kullë 24-katëshe u përfshi nga flakët e zjarrit zbardhen shkaqet e sakta. Policia e Londrës sqaron se shkak i zjarrit fillimisht ka qenë një përfshirja nga flakët i një frigoriferi, si pasojë e një defekti. Më pas zjarri është përhapur me shpejtësi në apartamentin dhe pastaj në të gjithë pallatin.

NASA ka njoftuar për zbulimin e 219 planetëve të tjerë jashtë sistemit diellor, 10 prej të cilëve të mëdhenj gati sa Toka dhe të vendosur në zonën e banueshme, pra më distancën e duhur nga ylli i secilit për të pasur ujë të lëngshëm në sipërfaqe. Me të dhënat e mbledhura nga teleskopi hapësinor, numri i ‘botëve aliene’, shkon në 4034-2335 janë verifikuar si planete dhe më shumë se 30 janë të mëdhenj sa Toka