Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Në samitin e tij të parë evropian, Emmanuel Macron paraqiti sot aftësinë e tij për të bindur partnerët për ambicien e tij për të rindërtuar BE-në, një ndryshim i nevojshëm sipas tij për të bllokuar ekstremet dhe populizmat. Në fund Macron përshëndeti krijimin e një fondi për mbrojtjen evropiane, të arritur gjatë këtij samiti.
Muaji maj i këtij viti ka shënuar një rekord tragjik në Meksikë për sa i përket vrasjeve. Statistikat e publikuara nga Sistemi Kombëtar i Sigurisë Publike, tregojnë që në maj janë hapur 2.186 hetime për vrasje, nivelin më të lartë të regjistruar në 20 vitet e fundit, ndërsa në më shumë se 95 % të rasteve autorët kanë mbetur të pandëshkuar. Pra ka gjithnjë e më shumë vrasje, dhe akoma më pak të ndëshkuar.
Disa mekanikë nga Rusia, kanë guxuar të provojnë një nga idetë e tyre në realitet. Ata kanë prerë mes përmes tre makina “Lada” dhe i kanë kapur së bashku në përpjekje për të krijuar një flutur rrotulluese. Megjithëse dukej një projekt i destinuar për të dështuar, në fund ia dalin ta vënë në funksion imitimin e lodrës së popullarizuar, spinner.
Presidenti amerikan, Donald Trump njoftoi dje se do të emëronte zyrtarit ambasador në Britaninë e Madhe mbledhësin e fondeve republikane dhe pronarin e ekipit të regbisë, Woody Johnson. Johnson është 70 vjeç dhe është pronar i ekipit të regbisë “New York Jets”. Ai ka mbajtur për një kohë të gjatë postin e mbledhësit të fondeve për Partinë Republikane.
Më shumë se 140 persona mendohet se janë varrosur të gjallë dhe 40 banesa janë shkatërruar nga rrëshqitja e tokës në provincën Sichuan, në jug-perëndim të Kinës. Grupet e kërkim shpëtimit janë në vendngjarje dhe kanë arritur të shpëtojnë një çift dhe një fëmijë.
Tre fëmijë 12, 15 dhe 17 vjeç, menaxheri dhe djali i tij, që u munduan t’u vinin në ndihmë, kanë humbur jetën në një park ujor në Turqinë veri-perëndimore pasi kanë rënë në kontakt me rrymën. Raportohet gjithashtu se një tjetër person ka mbetur i plagosur. Është ende e paqartë sesi uji në pishinë është elektrizuar. Autoritetet turke kanë nisur tashmë hetimin për të zbardhur shkaqet e këtij incidenti.
Vajza e presidentit amerikan Donald Trump, Ivanka Trump është paditur nga shoqëria “Aquazzura”, me bazë në Firence, e cila akuzon Ivankën për plagjiaturë të linjës së këpucëve. Shoqëria italiane e modës pretendon se një prej modeleve të sandaleve që ajo prodhon, është identike me një model të prodhuar nga kompania e vajzës së presidentit. Padia është nisur në një gjykatë në Nju Jork ndaj Ivanka Trumpt
Mbi 800 familje në zonën e Vilave Zvicerane në Londër, janë evakuuar sepse veshja e jashtme e ndërtesave në këtë bllok banimi ka rezultuar të jetë e ngjashme me atë të Kullës Grenfell në Londrën perëndimore, ku zjarri i disa ditëve më parë mendohet të ketë vrarë 79 persona. Vendimi për evakuimin erdhi pasi shërbimet zjarrfikëse raportuan se nuk mund të garantohej siguria e banorëve në këtë bllok.
Zyra e guvernatorit të Stambollit ka ndaluar marshimin e komunitetit LGBT në këtë qytet. Kjo zyrë ka bërë të ditur se parada është ndaluar për shkak të sigurisë së pjesëmarrësve dhe turistëve. Aktivistët turq të komunitetit LGBT njoftuan për marshin që në datën 25 qershor, por sipas zyrës së guvernatorit, sheshi Taksim nuk është i projektuar për protesta.
36 persona u lënduan pasi një tren doli nga shinat në Nju Jork. Ngjarja ndodhi në afërsi të një stacioni metroje në lagjen Harlem. Dy prej 8 vagonave dolën nga shinat dhe u dëmtuan, duke shkaktuar panik tek pasagjerët. Ekipet e emergjencës bënë evakuimin e menjëhershëm të zonës. Arsyet e daljes së trenit nga shinat janë të paqarta, por dyshohet për një defekt në sistemin e frenimit, për shkak të vjetërsisë.
Trego më shumë