39 persona kanë vdekur si pasojë e një zjarri masiv në pyjet e Coimbras, në juglindje të Portugalisë, ndërsa shumë të tjerë janë plagosur. Autoritetet njoftuan se shumica e viktimave humbën jetën në përpjekje për t'u larguar nga zonat e përfshira nga zjarri. Fatkeqësisht, numri i viktimave pritet të rritet gjatë orëve në vazhdim. Kryeministri Antonio Costa e quajti këtë ngjarje një tragjedi për vendin.

Gazetat gjermane, janë hapur sot me lajmin e ndarjes nga jeta të ish-kancelarit Helmut Kohl. Foto e Kohl ka dominuar të gjithë faqen e parë të gazetave, duke i bërë homazh një politikani, ndikimi i të cilit i tejkaloi kufinjtë e Gjermanisë. Kohli e drejtoi Gjermaninë për 16 vjet. Ai mbahet mend për ribashkimin e Gjermanisë si dhe kontributin e tij të madh politik e ekonomik për integrimin e Evropës.

Dhimbje dhe zemërim ka shoqëruar sot rrugët e Londrës. Dhjetra manifestues çanë kordonin policor dhe hynë në godinën e Bashkisë së Kensington dhe Çelsit. Ata mbanin në duar pankarta duke kerkuar drejtesi. Zemërimi i protestuesve vjen pas zbulimit të mediave britanike se bilanci i viktimave mund të jetë të paktën 70 të vdekur. Mësohet se disa manifestues janë arrestuar dhe shoqëruar nga policia

Emmanuel Macron ka triunfuar në zgjedhjet parlamentare të së dielës, duke siguruar shumicën e Asamblesë Kombëtare të Francës. Megjithatë, pjesëmarrja në votime ishte vetëm 35.3%.La République en Marche do të ketë shumicën absolute në parlamentin me 577 vende. Deputetët e rinj vijnë nga fusha të ndryshme të jetës dhe kanë pak ose aspak eksperiencë në politike dhe janë ndarë 50 me 50 përsa i përket gjinisë.

BE ka nevojë për 756 mijë punonjës të teknologjisë së informacionit dhe komunikimit, si edhe rreth 1 milion profesionistë në fushën e shëndetësisë. Karta Blu është një dokument identifikimi që shërben pikërisht për të treguar lejen e qëndrimit dhe të punësimit. Kjo nuk është një skemë për migracionin masiv. Ai do të jetë migracion i targetuar për të mbushur disa hapësira në punë specifike.

ISIS merr përsipër sulmin në Londër. Në forumet e tyre të chat-it, simpatizantët shprehën gëzim për këtë sulm. Policia po sqaron përfshirjen edhe të persona të tjerë. Deri tani janë arrestuar 11 vetë. Theresa May: “Tolerancë e tepruar ndaj ekstremizimit”. Sadiq Khan: “Ne nuk do t’i lëmë kurrë këta frikacakë të fitojnë”. Merkel: “Sot na bashkon përtej gjithë kufijve pikëllimi dhe hidhërimi.”

Mijëra protestues kanë marshuar mbrëmë në rrugët e kryeqytetit Madrid në Spanjë, duke kërkuar që qeveria konservatore e këtij vendi t’i plotësojë përkushtimet e veta për pranimin e më se 17 mijë refugjatëve, në kuadër të planit për rivendosje të Bashkimit Evropian. Në një marshim të ngjashëm në shkurt të këtij viti, në mbështetje të refugjatëve, kishin marrë pjesë afro 160 mijë protestues, patën thënë zyrtarët dhe organizuesit e protestës.

Të paktën 36 persona kanë humbur jetën dhe 54 vetë janë lënduar në zjarrin e kazinosë në Manila të Filipineve, pasi një person i vuri zjarrin në tentativë për ta grabitur. ISIS ka marrë përsipër sulmin, por autoritetet vendase këmbëngulin se bëhet fjalë për një rrjedhje gazi dhe jo për një sulm terrorist. Kontrollet e autoriteve janë shtuar në aeroporte dhe strukturat e mëdha të qytetit.

Mbretëresha Elizabeth sot ka ditëlindjen, por kjo ditë mesa duket ka qënë e trishtë për të, pasi gjatë festimeve në nder të saj është mbajtur një minutë heshtje për viktimat që humbën jetën në zjarrin e rënë në pallatin në Londër, një ngjarje që tronditi Britaninë. Mbretëresha feston më 21 prill, datën e lindjes, dhe në qershor feston ditëlindjen "zyrtare", sipas traditës së nisur nga Mbreti Xhorxh II.

Përplaset një anije me ekujpazhin e saj në bord me anijen e konteniereve ndodhi rreth 104 km në jugperëndim të Yokosuka-s, Japoni. Pamjet ajrore tregojnë dëmete të anijes së marinës pas përplasjes, rrethorës 02.30 me orën lokale. Mes të plagosurve është edhe oficeri komandues i USS Fitzgerald, i cili u dërgua menjehere në spital nderkohe shtatë anëtarë të ekuipazhit të anijes së marinës janë të zhdukur.