Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Billboard ka zbuluar klasifikimin me të ardhurat e vitit të kaluar për këngëtarët dhe grupet aktive në skenat ndërkombëtare. Janë plot 61,2 milionë dollarë fitimet e vitit nga Beyonce, e ndjekur nga Guns N’ Roses me 42,3 milionë dollarë, ndërkohë që vendin e tretë e rrëmben Bruce Springstreen me 42,2 milionë. Të tjerë në këtë listë janë Drake, Adele, Coldplay, Justin Bieber etj.
BBC ka zbuluar ekzistencën e një hendeku mes pagave të personaliteteve kryesore meshkuj dhe femra të saj kur transmetuesi shtetëror publikoi për të parën herë listën e pagave të punonjësve. Drejtori i përgjithshëm i BBC, Tony Hall, duke justifikuar këtë hendek, tha se objektiv i korporatës është që të arrihet barazi në ekran dhe në radio deri në 2020.
Raoul Bova është dënuar me një vit e gjashtë muaj burg. Prokuroria e Romës kishte kërkuar një vit burg për aktorin roman Raoul Bova, i akuzuar për deklarim të rremë të pasurisë dhe evazion fiskal. Sipas hetuesve, aktori nga viti 2005 deri në 2011 kishte paguar një norme të ulët të TVSH-së për pasojë evazioni kishte shkruar në 700 mijë euro.
Luana Vjollca ka paraqitur kallëzim penal kundër personit të shoqëruar në Polici, i cili ishte konfliktuar me shtetasin Krenar Çoçaj. Ajo ka rrëfyer në polici se personi e përndiqte duke ditur çdo lëvizje të saj, gjersa është përpjekur ta ndalojë në rrugë teksa ajo po ngiste makinën, por ka shpëtuar falë mikut të saj, Çoçaj. Gjykata e Apelit, Tiranë, e ka dënuar 32 vjeçarin me arrest me burg.
Kënga “Despacito” e këngëtarit nga Porto-Rikoja, Luis Fonsi është kënga me më së shumti shikime i të gjitha kohërave, dhe kënga e parë në gjuhën spanjolle që ka arritur në këtë pozitë të lartë, prej këngës “Makarena” në vitin 1996. Kompania, Universal Music Latin Entertainment, tha se “Despacito”, në formën e saj origjinale dhe në verzionet remiks, ka arritur 4.6 miliardë shikime në platforma të ndryshme.
Këngëtarja Enca ka publikuar këngën e saj më të re, me titull "Ciao". Kënga, e shkuar nga vetë 21-vjeçarja, ka arritur mbi 1 milionë klikime, ndonëse ka dalë në treg vetëm tri ditë më parë. Kjo këngë pritet të jetë një nga hitet e kësaj vere.
Presidenti i Venezuelës, Nicolas Maduro, paraqiti një version të ndryshuar të këngës "Despacito" gjatë shfaqjes së tij televizive javore të dielën. Teksti i ripunuar promovoi planet e tij për një Asamble të re qytetare të diskutueshme, e cila do të zgjidhet të dielën për të rishkruar Kushtetutën. Këngëtarët e akuzuan Presidentin për përdorim të këngës së tyre për përfitime politike.
Këngëtari kryesor i grupit të njohur Linkin Park, Chester Bennington ka kryer vetëvrasje. 41-vjeçari vari veten në shtëpinë e tij në Palos Verdes Estates në Los Anxheles. Këngëtari ka pasur probleme me drogën dhe alkoolin në të shkuarën. Bennington ishte shok i ngushtë me rrokerin Chris Cornell i cili po ashtu vari veten në muajin maj.
Gati dy vjet nga vdekja e ish të dashurës Cathriona White, Jim Carrey akuzohet se nuk ka kontribuar, për shpenzimet e funeralit të White. Familjarët e vajzës së vdekur kishin vendosur të prezantonin një ankesë në Gjykatën Supreme të Californisë, ku deklaronin se Carrey nuk ka mbajtur premtimin, për të dhënë një kontribut ekonomik për funeralin e vajzës së tyre.
Këngëtarja kosovare, Mihrije Brahja, nuk është më aq aktive në skenë, por kur vendos të shfaqet, befason gjithmonë. Brahja është duke realizuar një videoklip të ri. Ata me kujtesë më të mirë, e sjellin në ndermend Mihrijen që në festivalet e këngës të viteve ’90-të, por sot duket edhe më bukur. Klipi është realizuar në Dhërmi dhe e gjithë atmosfera tregon se kënga do të jetë një nga hitet e verës.
Trego më shumë