Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Guvernatori Sejko në një konferencë për shtyp ka deklaruar se masat për deeuroizimin e ekonomisë do të nisin të aplikohen më 2018. Për ta bërë deeuroizimin gjithëpërfshirës, BSH nënshkroi një "Memorandum Mirëkuptimi" me Ministrinë e Financave dhe Ekonomisë, dhe Autoritetin e Mbikëqyrjes Financiare, për të nxitur marrjen e masave të ngjashme edhe në pjesën tjetër të sistemit financiar dhe në ekonominë reale.
Qeveria shqiptare dhe Banka Gjermane për Zhvillim (KfW) nënshkruan një marrëveshje prej rreth 12.5 milionë eurosh për financimin e disa programeve, që lidhen me nxitjen e punësimit dhe rritjen e efiçencës së energjisë. Sipas Ahmetajt, fondetdo të shkojnë për mbështetjen e ndërmarrjeve të vogla dhe të mesme në vend, nxitjen e punësimit të të rinjve përmes financimit të programeve të arsimit, etj.
Bashkia e Tiranës ka hartuar projekbuxhetin për Kryeqytetin për vitin e ardhshëm, i cili do të diskutohet në mbledhjen e Këshillit Bashkiak. Në total, ajo planifikon që të ardhurat nga taksat e tarifat të arrijnë në 13 miliardë lekë, më një rritje prej 9.4% me bazë vjetore. Duke përfshirë dhe transfertat e pakushtëzuara parashikohet të arrijë në një nivel rekord prej 16.3 miliardë lekë.
Kuvendi i Shqipërisë do të mblidhet paraditen e sotme në një seancë plenare. Ndërsa mësohet se në rendin e ditës është parashikuar edhe miratimi i disa ndryshimeve dhe shtesave në Buxhetin e vitit 2017.
Mësuesit dhe Policët nuk do të përfitojnë shpërblim për festat e fundvitit. Burime nga Ministria e Financave kanë pohuar se deri më tani nuk është parashikuar asnjë shpërblim për këto kategori për shkak të mungesës së fondeve. Për këtë arsyje ekspertët e financave po mendojnë vetëm shpërblimin e mësuesve më të mirë gjatë 2017-së.
Konferenca Kombëtare e Bujqësisë nxori në pah objektivin e ri që do të ketë zhvillimi i këtij sektori. Skema e re, e cila përbëhet nga një fond prej 20 milionë eurosh, synon zgjidhje në tre çështjeve. Së pari, rritja e eksporteve, së dyti afrimi i sa më shumë fermerëve në organizma të përbashkët dhe së treti politikat që mund të ndërmerren për të zhvilluar sektorë të ndryshëm.
Drejtoria e Përgjithshme e Tatimeve ka njoftuar përfundimin e javës së nëntë të aksionit anti informalitet. Sipas kësaj drejtorie, ka vijuar procesi i fshirjes automatike i detyrimeve për periudhën para viteve 2010 dhe kompensimi me kredi si për periudhën përpara vitit 2010 dhe për atë 2011-2014. Bizneset e reja të regjistruara kanë arritur 4602, ndërsa janë mbyllur me shkelje 541 biznese.
Bujqësia do të kthehet në një sektor që drejtohet nga mekanizmi i kërkesë-ofertës. Sot në Konferencën Kombëtare të Bujqësisë, Ministri Niko Peleshi ka pohuar se tre objektivat kryesorë janë konkurrenca, ushqimet e sigurta si dhe diversifikimi i të ardhurave. Peleshi ka theksuar se skema e re e bujqësisë do të mbështesë agropërpunimin, agroturizmin, peshkimin dhe bujqësinë e të rinjve.
Kryeministri Rama, nga Konferenca Kombëtare e Bujqësisë, theksoi se do të mbështesë me fonde këtë sektor. Rama ka deklaruar se qeveria nuk jep lëmosha por financon suksesin, ndërsa nënvizoi faktin se çmimi nuk caktohet nga shteti, por vetë tregu. Mes të tjerash ai theksoi se shteti do t'u ofrojë ndihmë të gjithë fermerëve që janë të bashkuar si dhe atyre që prodhojnë produkte që nxisin rritje të eksportit.
Autoriteti i Konkurrencës ka hartuar një draft rregullore të re “Për Kategoritë e Marrëveshjeve të Transferimit të Teknologjisë”. Në këtë dokument janë bërë përafrimet me kërkesat e direktivës së BE-së. Në thelb ky draft ka në fokus sigurimin e konkurrencës efektive dhe siguri ligjore për ndërmarrjet, duke përcaktuar marrëveshjet e transferimit të teknologjisë të cilat përjashtohen nga ndalimi.
Trego më shumë