Per eksperiencen me te mire perdorni Kolibri ne aparatin tuaj smartphone
Shkarkoni Kolibri ne:
Në një raport me titull "Të rigjallërosh rritjen në Ballkanin Perëndimor", Banka ka krahasuar normat për të gjitha taksat kryesore në çdo vend të Ballkanit. Sipas krahasimit rezulton se përveç kontributeve, në të gjitha taksat e tjera niveli më i lartë i rritjes është në Shqipëri.
Autoriteti Rrugor Shqiptar bëri publik së fundmi dy variantet që diskutohen për projektin e Bypass-it të Shkodrës. Varianti i parë, së bashku me kontigjencat dhe TVSH-në vlerësohet me një kosto 15.1 miliardë lekë. Varianti i dytë është një segment me gjatësi sa dyfishi i të parit dhe kostoja e tij bashkë me kontigjencat dhe TVSH-në vlerësohet në 19.1 miliardë lekë.
Komisioni për Ekonominë dhe Financat ka miratuar sot propozimet e bëra nga Komisionet Parlamentare për rishikim të fondeve dhe punonjësve në buxhetin e vitit 2018. Shtesa u miratuan për Kuvendin, Kontrollin e Lartë të Shtetit, Gjykatën Kushtetuese, Ministrinë e Drejtësisë si dhe për Presidencën.
Mbledhja e Komisionit për Ekonominë dhe Financat është shoqëruar me debate mes deputetëve. Deputetët e opozitës kanë kërkuar informacione nëse ndryshimet në paketën fiskale do të shoqërohen me efekte financiare shtesë. Ndërsa Kreu i Komisionit, Erjon Braçe ka reaguar duke u shprehur se analiza bëhet në bazë të ndryshimeve të tregut. “Kurseni aludimet, duhet të paraqisni argumente”, është shprehur Braçe.
Komisioni i Ekonomisë dhe Financave ka miratuar në parim paketën fiskale dhe projektbuxhetin për vitin 2018. Deputetët e opozitës kanë kërkuar më shumë kohë, por si paketa fiskale ashtu edhe buxheti u miratuan sot vetëm me votat e mazhorancës. Deputetja e PD-së, Jorida Tabaku u shpreh se në buxhetin e vitit të ardhshëm nuk parashikohet asnjë rritje për pensionet.
Rreth 650 mijë pensionistë në të gjithë vendin do të përfitojnë edhe këtë vit shpërblimin për festat e fundvitit. Lajmi është konfirmuar nga Ministri i Financave, Arben Ahmetaj. Gjithashtu mësohet se nga muaji maj 2018, pensionistët do të përfitojnë edhe rritjen e pensionit. Ahmetaj theksoi se fondi do të jetë 1.8 miliardë dhe indeksimi i pensioneve do të jetë më i lartë se norma e inflacionit.
Guvernatori i Bankës së Shqipërisë, Gent Sejko ka theksuar se situata financiare ka ardhur në përmirësim të vazhdueshëm. Në konferencën “Zhvillimet në tregun bankar” ai është shprehur se rritja e kredisë ka qenë në nivele pozitive dhe se politika monetare ka qenë stimul për zhvillimin e ekonomisë. Gjithashtu ka pohuar se ambicia e BSH-së mbetet konsolidimi i një tregu të zhdërvjellët dhe likuid.
Aktualisht qeveria takson në mënyrë progresive vetëm pagat, ndërsa të ardhurat e tjera si qiraja apo e drejta e autorit taksohen me normë fikse 15%. Kjo do të ndryshojë dhe sipas skemës së re të gjitha të ardhurat do të bashkohen në një bazë të vetme, mbi të cilën pastaj do zbatohet taksa progresive 0-13%, ose 23% në varësi të nivelit të të ardhurave.
Qeveria do të shpërndajë edhe këtë vit shpërblime për festat e fundvitit. Lajmi është bërë publik nga Ministria e Financave në relacionin e projektbuxhetit 2018. Ministria nuk ka përcaktuar ende fondin dhe nuk ka nisur përllogaritjet për masën e shpërblimit, por burime pranë këtij institucioni thanë se prioritet i skemës së shpërblimeve të fundvitit do të jenë familjet me ndihmë ekonomike dhe pensionistët.
Stoku i borxhit publik shënoi një rritje të shpejtë në 3-mujorin e tretë të vitit, duke arritur në 69.11% të Prodhimit të Brendshëm Bruto, nga 66.82 % që ishte në fund të 6-mujorit. Për 3 muaj stoku i borxhit është shtuar me 2,3 pikë përqindje të PPB-së, sipas të dhënave zyrtare nga Ministria e Financave. Në fund të muajit shtator 2017 borxhi i Qeverisjes Qendrore vlerësohet në vlerën 1,074.9 miliard lek.
Trego më shumë