Komisioni i Pavarur i Kualifikimit ka konfirmuar në detyrë, gjatë kësaj të mërkure, Prokurorin e Apelit për Krimet e Rënda, Bujar Sheshi. Pas kontrolleve të imtësishme të tri komponenteve të vetting-ut, Sheshi ka rezultuar në rregull me të gjitha ato, duke fituar kështu konfirmimin në detyrë.

Ekspertet e drejtësisë mendojnë se Vettingu po ecën me ritme të ngadalta, ndërsa njerëzit e politikës e shohin të gjithë këtë si një tentative për të vonuar ngritjen e SPAK. Nga hapja e procesit janë shkarkuar 25 gjyqtare e prokurorë dhe janë konfirmuar 25 të tjerë. Por pavarësisht se para ikjes ambasadori Donald Lu parashikoi ngritjen brenda vjeshtës të qeverive të drejtësisë KLP dhe KLGJ, kjo nuk ka ndodhur.

Në një konferencë për shtypin, deputeti Gent Strazimiri ka denoncuar atë që e ka quajtur si skandal, që konfirmon drejtues të Policisë së Shtetit kanë pasur lidhje me Sigurimin e Shtetit gjatë diktaturës. Sipas Strazimirit, procesi i vetting-ut në polici duhej të kishte nisur gjatë shtatorit, por në fakt është ndërprerë, pas verifikimit se 534 drejtues të lartë policorë kanë qenë funksionarë të diktaturës.

Prokurori në Prokurorinë e Përgjithshme, Adnan Xholi është rikonfirmuar në detyrë duke kaluar kështu Vettingg-un. Vendimi në fjalë u dha nga Komisioni i Pavarur i Kualifikimit. “Subjekti i rivlerësimit me veprimet apo rivlerësimet e tij, nuk ka cënuar interesin e publikut dhe ka arritur veprimet e besueshme. Prokurori rikonfirmohet në detyrë”, ka bërë me dije drejtuesja e seancës së KPK-së.

Letra e Kryetarit të Kuvendit Gramoz Ruçi, për marrje mendimi të Komisionit të Venecias mbi draftin e opozitës për vetting në politikë, ka mbërritur para dy ditësh në zyrat e këtij intitucioni. Përfaqësues të Komisionit bëjnë të qartë se kërkesa e Kryeparlamentarit shqiptar do të ndiqet bazuar në praktikat e këtij organi. Ndërkohë që një delegacion do të vizitojë Tiranën për të marrë mendimet e palëve.

Komisioneri Publik del kundër vendimit të Komisionit të Pavarur të Kualifikimit që konfirmoi në detyrë Kreun e Gjykatës së Lartë Xhezair Zaganjori. Ai, pasi shqyrtoi vendimin e Komisiont të Pavarur të Kualifikimit dhe pasi mori në konsideratë rekomandimin e paraqitur nga ONM, vlerëson se subjekti i rivlerësimit z. Xhezair Zaganjori, nuk arrin një nivel të besueshëm në vlerësimin e pasurisë.

Kryetari Ruçi priti Ambasadorin e ri te misionit të BE-së në Tiranë, Luigi Soreca. Pasi e uroi për misionin e tij në Shqipëri, Kryetari i Kuvendit, e informoi gjerësisht mbi veprimtarinë dhe kontributin e Kuvendit në tre aspektet kryesore: kurorëzimin me sukses të hapjes së negociatave në qershor 2019; vazhdimin me vendosmëri të reformës në drejtësi dhe procesit të Vetting-ut; përfundimin e reformës zgjedhore.

Deputeti i Partisë Demokratike, Enkelejd Alibeaj zhvilloi sot një seancë dëgjimore me përfaqësues të shoqërisë civile. Në mbledhjen e Komisionit të Ligjeve, Alibeaj tha se zhvillimi i kësaj seance ishte një teatër hipokrizie nga qeveria pasi verdiktin për Vetting-un politik ata e kanë marrë. Ai, gjithashtu i bëri thirrje Shoqërisë Civile mos të përdoret nga Qeveria për qëllime politike.

Prokurori në Prokurorinë e Përgjithshme, Adnand Xholi ka dalë sot para Komisionit të Pavarur të Kualifikimit në kuadër të vetting-ut. Trupa gjykuese e vetting-ut drejtohet nga: Brunilda Bekteshi, Valbona Sanxhaktari dhe Suela Zhegu. Sipas ILDKP, Adnand Xholi ka bërë deklarim të saktë të pasurisë, nuk ka fshehje. Ndërkohë edhe DSIK, është shprehur se Prokuroi Xholi është i përshtatshëm për vijimin e detyrës.

Deputetët e PD-së, Jorida Tabaku dhe Oerd Bylykbashi teksa kanë marrë pjesë në Akademinë Politike të Vienës, kanë kërkuar mbështetjen e PPE për Vetting-un e politikanëve në Shqipëri si një hap i domosdoshëm për konsolidimin e demokracisë. Tabaku i kërkoi mbështetje PPE-së për Vetting-un e politikanëve pasi gjendja aktuale e demokracisë, institucioneve si dhe ndarjes së pushteteve është në rrezik.