Në shtator nis pastrimi i drejtësisë. Ky ishte paralajmërimi i kryeministrit Edi Rama gjatë takimit më të fundit në Shkodër, ku shumë qytetarë denoncuan eksperiencat e tyre negative në zyrat e shtetit. Rama u premtoi se do të bëjë verifikimet për secilin dhe do të marrë masa për zgjidhjen e problemit.

Genta Bungo eshte zgjedhur kryetare e Komisionit te Posaçëm te Kualifikimit, i cili do te kryeje vetting-un e gjyqtareve dhe prokuroreve. Sipas ligjit te vetting-ut, Genta Bungo per nje periudhe 3-vjeçare ka si kompetence; përgatitjen dhe drejtimin e mbledhjes se anëtarëve, përfaqëson Komisionin në marrëdhënie me të tretët, nënshkruan aktet e tjera të me përjashtim të vendimeve.

Teksa "Laku" i Vettingut po ngushtohet, institucionet ligjzbatuese shqiptare kanë shtuar vigjilencën dhe kontrollet pas sinjalizimeve se disa gjyqtarë dhe prokurorë po tentojnë të nxjerrin jashtë Shqipërisë parë e pajustifikuara, me qëllim për t’i shpëtuar skanerit të trefishtë të kontrollit. Policia e Shtetit po vëzhgon gjyqtarë dhe prokurorë, të dyshuar si të përfshirë në praktika korruptive ndër vite.

Deputeti demokrat, Eduard Halimi, ka reaguar ashpër nga publikimit të listës së zyrtarëve të korruptuar nga kryeministri Rama. Halimi thotë se raporti i publikuar dje është antikushtetues dhe si i tillë kërkon reagim të fortë ligjor. Ky akt bën nul përpjekjet për një reformë reale në drejtësi, për një vetting të vërtetë. Ai i apelon që të hidhen në veprim dhe mos të presin avokati nga opozita.

Ish-Ministri i Drejtësisë, Ylli Manjani, ka sulmuar ashpër kryeministrin Rama. Me anë të një postimi në ‘Facebook’-ut, Manjani shkruan se u kthye si vasal i “çiç” e “viç-ve”, ndërsa theksoi se hodhi në erë vettingun me flet-rrufenë e listës së zezë. Ndërsa Jugosllavinë na e shet si BE!!! Kulmi i talljes! Koalicioni i Govatës me drejtues “vet Alinë e vetë Kadinë” nuk suprizon më!”, citohet në mesazhin e tij.

Prokuroria kërkon rikthimin në qeli të gjyqtarit Rasim Doda të dënuar me 3 vite burg për veprën penale të korrupsionit të funksionarëve të drejtësisë. Me anë të rekursit depozituar më 20 korrik në Gjykatën e Lartë Prokuroria kërkon të mbetet në fuqi dënimi i dhënë ndaj Dodës në shkallën e parë dhe të prishet vendimi i apelit dhënë më 31 Maj 2017 ku u vendos që Doda të gjykohet nga e para.

Në prag të vendimit të Gjykatës së Kushtetuese për padinë e fundit të dy shoqatave të gjyqtarëve, Kuvendi i Shqipërisë argumenton se kërkuesve u mungon legjitimiteti. Gjykata Kushtetuese do të marrë në shqyrtim të mërkurën padinë e Shoqatës Kombëtare të Gjyqtarëve dhe Unionit të Gjyqtarëve të Shqipërisë që kërkon shfuqizimin e disa neneve të ligjit të vetingut.

Sipas burimeve nga ILDKP, ka nisur kontrolli i pasurisë së gjyqtarëve dhe prokurorëve dhe janë identifikuar me dhjetëra gjyqtarë dhe prokurorë që kanë pasuri dhe llogari jashtë vendit, të cilat do të verifikohen. Shumë shpejt do të nisë bashkëpunimi me Drejtorinë e Përgjithshme për Parandalimin e Pastrimit të Parave, me Drejtorinë e Tatimeve dhe institucione të tjera në vend, ku do kërkohen të dhëna për çdo individ.

Ka nisur zyrtarisht procesi i Vettingut për 775 gjyqtarë dhe prokurorë. Institucionet e administratës shtetërore kanë filluar punën për kontrollin e pasurive të punonjësve të institucioneve të drejtësisë, të cilët do të verifikohen nëse kanë bërë deklarime të sakta të pronave të regjistruara, parave që kanë në bankë dhe nëse ka patur shitje apo ndryshime të pronësisë gjatë kohës kur punonjësit kanë dorëzuar të dhënat.

Ish-presidenti Alfred Moisiu ka komentuar padinë e gjyqtarëve dhe prokurorëve për reformën në drejtësi. Sipas Moisiut pranimi i ankimimit nga Kushtetuesja është shqetësues, pasi gjyqtarët nuk duan që të gërmohet e kaluara e tyre. “Shoqata do që të pakësohen kriteret pranuese. Gjyqtarët duan të mos gërmohet e kaluara e tyre. Nga vettingu do të ketë përmirësime në vend ”, tha Moisiu.