Kolibri

Rowan Atkinson rikthehet me "Johnny English strikes again"

Mr. Bean rikthehet me humorin e tij britanik në ekranin e madh me “Johnny English strikes again”. Pasi një sulm kibernetik zbulon identitetin e gjithë agjenteve të fshehtë në Britani, Johnny English detyrohet të rikthehet në punë edhe pse në pension, për të gjetur piratin që organizoi sulmin. Rowan Atkinson, Olga Kurylenko dhe Emma Thompson, sjellin komedinë britanike “Johnny English-godet përsëri”.

Lexo me shume: Rikthehet Mr.Bean: “Johnny English strikes again”

Artistët bëhen bashkë dhe apelojnë kundër shkatërrimit të lumit

Artistët shqiptarë bashkohen në një këngë për të mbrojtur lumenjtë e Shqipërisë. Kënga e gjelbër “Lum Lumi i Lirë” përpiqet të kontribuojë pro kauzave në mbrojtje të lumit Valbonë dhe lumit më të egër në Evropë, Vjosës. Elina Duni, Eda Zari, Linda Rukaj, Vlashent Sata, Shpat Deda, Gert Kapo, Kleidi Eski, Sokol Çunga, Mikaela Minga etj, bashkëpunuan për të realizuar këngën dhe videon “Lum Lumi i Lirë“.

Lexo me shume: Artistët shqiptarë, këngë për të mbrojtur lumenjtë e Shqipërisë

"Vjedhja plot SHKËLQIM në emër të FUSHËS"- Andi Bushati

Analisti Andi Bushati ka komentuar vendimin e sotëm të mazhornacës për të miratuar amendimet në ligjin që i hap rrugë prishjes së Teatrit Kombëtar. Bushati tha se votimi i sotëm i vuri vulën grabitjes. Ai shkruan se "pas votimit të sotëm të deputetëve socialistë me 75 vota, Edi Rama tregoi se është i vendosur t’i shkojë deri në fund aferës së Teatrit që i “dhuron” 200 milionë euro Shkëlqim Demir Fushës". Ndër të tjera analisti u shpreh se opozita duhet të bojkotojë totalisht sistemin dhe jo vetëm djegien e mandatave të deputetit dhe të braktisi gjithçka dhe ta bëjë lufën nga jashtë, për të mos shërbyer dot më as si alibi. Në fund të analizës së tij, Bushati shtron dilemën nëse opozita do të luftojë për t’i hapur sytë njerëzve, apo do të jetë thjeshtë një mjet për verbimin e tyre. "Vjedhja brutale e Edit dhe Shkëlqimit i vuri kapakun gjithçkaje", thekson ai.

Lexo me shume: Vjedhja plot SHKELQIM në emër të FUSHES

PS votoi pro shembjes së Teatrit, reagon Boçi

Pasi maxhoranca votoi me 75 vota pro ligjin për shembjen e Teatrit, vjen reagimi i parë nga opozita. Përmes një statusi në FB, deputeti Luçiano Boçi ka deklaruar se Parlamenti ka ngrënë turpin me kartona. Mes të tjerash ai ironizoi qëndrimin e deputetëve socialist, ndërsa shtoi se politika varrosi vlerat kulturore me vendimin për shembjen e Teatrit.

Lexo me shume: Parlamenti që ha turpin me kartona – Politiko.al

Parlamenti miraton dekretin e Presidentit për "Teatrin Kombëtar"

Kuvendi ka pranuar dekretin e Presidentit Meta lidhur me çështjen e "Teatrit Kombëtar" duke i hapur rrugë ndërtimin të projektit të ri dhe shembjes së godinës aktuale. Vendimi është marrë me 75 vota pro të maxhorancës duke miratuar dekretin e Kreut të Shtetit dhe njëkohesisht amendamentet për ligjin.

Lexo me shume: Kuvendi miraton dekretin e Presidentit për "Teatrin", opozita e bojkotoi

Teatri i Metropolit, Basha i përgjigjet Ramës

Kryedemokrati Basha ka reaguar pas deklaratave të Kryeministrit Rama nga Parlamenti në lidhje me Teatrin. Rama publikoi një letërkëmbim mes Ministrit të atëhershëm të ekonomisë, Florion Mima dhe Bashës si Kryetar Bashkie ku flitej për privatizimin e Teatrit të Metropolit. Lidhur me këtë Basha thotë se Teatri i Metropolit është, kurse Kinematë i prishi Rama dhe i quan shkresat e nxjerra të pavlera.

Lexo me shume: Basha i përgjigjet Ramës: Teatri është aty, ti prishe kinematë

Rama i kundërpërgjigjet Bashës, nxjerr shkresën për Teatrin

Kryeministri Rama i është përgjigjur akuzave të kreut të PD-së. Lidhur me kriminalitetin në Vlorë, Rama tha se mjafton të shohësh shifrat dhe situata nga dje që qeveriste PD me sot është si nata me dita. Rama ka deklaruar se në kohën kur Basha drejtonte Bashkinë e Tiranës, Florion Mima i kishte dërguar një shkresë ku kërkonte privatizimin e Teatrit të Metropolit për llogari të deputetit Astrit Veliaj.

Lexo me shume: Rama i kthen përgjigje me Bashës, nxjerr shkresën: Kërkoi privatizimin e Teatrit të Metropolit

Protestë para Parlamentit për Teatrin

Ndërsa Parlamenti do të kalojë sot amendimet e ligjit për Teatrin, para Parlamentit ka nisur një protestë. Dhjetëra qytetarë, aktivistë e artistë janë ngritur në protestë për të kundërshtuar prishjen e Teatrit Kombëtar. Regjisori Edmond Budina iu ka bërë thirrje qytetarëve të çohen sepse Shqipëria ka marrë fund. “Me këta politikanë duhet ta kesh mendjen çdo ditë sepse ta fusin”, tha Budina.

Lexo me shume: Qytetarë dhe artistë protestojnë te Kuvendi: Gati të futemi në burg për të mbrojtur Teatrin! (FOTO)

Kuvendi voton sot amendimet në ligjin për Teatrin

Parlamenti pritet të miratojë sot amendimet në ligjin që i hap rrugë prishjes së Teatrit Kombëtar. Opozita nuk do të jetë sërish në seancë, ndërsa është parashikuar që grupet parlamentare PD-LSI të mblidhen në Vlorë, pas Shkodrës, Elbasanit dhe Durrësit. Në seancën e sotme do të jenë të pranishëm dy deputetët e LSI, Lefter Koka e Vangjel, pasi janë në limitet e afatit 6 mujor të mos-prezencës.

Lexo me shume: “Teatri” votohet në Parlament, opozita “Kuvend” në Vlorë – Gazeta Mapo

"Teatri" votohet në Kuvend të enjten, bojkoton opozita

Të enjten, opozita do të marrë mungesën e katërt në seance plenare. Mazhoranca do të votojë e vetme dekretin e Presidentit Meta për “Teatrin” bashkë me ndryshimet ligjore. Partia Demokratike dhe aleatët e saj kanë zgjedhur Vlorën dhe jo Parlamentin, sipas tyre, "për të të qëndruar atje ku njerëzit janë të rrezikuar dhe të pasigurt nga bandat dhe jo në godinën ku bandat përfaqësohen nga Qeveria".

Lexo me shume: "Teatri" votohet të enjten, opozita e bojkoton, do bëjë "kuvend" në Vlorë