David Phillips, ekspert amerikan i politikës së jashtme, ka theksuar se Putin e sheh Kosovën si një projekt amerikan dhe se destabilizimi i vendit është mënyra e tij për t’u marrë përsëri me SHBA për ndërhyrjen e NATO-s. Sipas tij, ndarja është pjesë e planit strategjik të Putinit për të minuar ndikimin perëndimor në Kosovë dhe për të zgjeruar ndikimin e egër të shtetit të tij duke e forcuar Serbinë.

Kryeministri i Kosovës, Ramush Haradinaj, tha sot se dialogu me Serbinë duhet të vazhdojë por pa i diskutuar kufijtë e Kosovës. “Kemi nevojë për dialog dhe jam për vazhdimin e dialogut, sepse heqja e këtyre temave nga tavolina i kontribuon vendit, është që të zgjidhen çështjet e hapura me shtetin fqinj ndërsa çështja e territoreve nuk është e hapur me Serbinë”, ka situar ai gjatë prononcimit.

Ambasadorja e Kosovës në Uashington, Vlora Çitaku deklaroi për krijimin e ushtrisë së Kosovës nuk ka dialog me Serbinë. Gjatë fjalës së saj në Këshillin e Sigurimit të OKB-së për Kosovën, Çitaku kërkoi nga vendet anëtare të këtij institucionit t’i referohen vendimit të GJND-së se Kosova nuk ka shkelur asnjë ligj kur ka shpallur pavarësinë dhe se ky realitet është i pakthyeshëm.

6 palestinezë janë vrare në sulmet e ushtrisë izraelite të ndërmarrë në Rripin e Gazës nën bllokadë. Sipas një deklarate të bërë nga Gjysmëhëna e Kuqe Palestineze, është bërë e ditur se 6 palestinezë kanë rënë dëshmorë, ndërsa 7 të tjerë janë plagosur në sulmet që ushtria e Izraelit ka ndërmarrë në pjesën jugore të Rripit të bllokuar të Gazës.

Ambasadorja e Kroacisë në Prishtinë, Marija Kapitanoviç është shprehur kundër shkëmbimit të territoreve. Diplomatja nuk beson se një korrigjim i tillë do ta bënte rajonin më të qëndrueshëm. Kështu ka deklaruar gjatë një interviste duke shtuar se përkundrazi një iniciativë e tillë mund të shkaktojë çështje shtesë në vend të zgjidhjeve.

Kryeministri Haradinaj nënvizoi edhe njëherë qëndrimin e tij se ideja për shkëmbim territoresh është e pamundur. Gjatë një takimi me Kancelarin Kurz, Haradinaj tha se Serbia në këtë rast do tokë. “Austria është aleat i Kosovës, vet vizita e kancelarit e dëshmon këtë. Jemi të interesuar të arrihet një marrëveshje me Serbinë, ajo nuk arrihet me ndarje. E përsëris. Këtë ia thash edhe kancelarit”, ka cituar ai.

Kancelari austriak, Kurz, gjatë vizitës së tij në Beograd, ka pohuar se është e rëndësishme që dialogu me Prishtinën jo vetëm të vazhdojë, por edhe të përfundojë me sukses. Sipas tij, kjo është mënyra e vetme për anëtarësimin e Serbisë në BE. "Është një mundësi unike që historia të mbetet histori dhe së bashku të ecim drejt së ardhmes", citoi Kurz në konferencën e përbashkët për media me Vuçiç.

Ambasadorja e Kanadasë në Serbi, Katie Caba ka thënë se vendi i saj e mbështet dialogun Beograd Prishtinë. “Ne shpresojmë që ky proces të përfundojë sa më shpejtë që të jetë e mundur. Sa i përket demarkacionit nga perspektiva e dikujt që vjen nga një vend multikulturor, nuk mendoj se gjetja e një kufiri etnik është domosdoshmërisht zgjidhja më e mirë për arritjen e një marrëveshjeje”, ka cituar ajo.

Vendet perëndimore po i kërkojnë Serbisë të pezullojë një fushatë diplomatike që me sukses po arrin të ndikojë në shtetet që e kanë njohur Kosovën”. Kështu ka deklaruar për “Novosti”, Ministri i Jashtëm serb, Ivica Daçiç duke theksuar se për këtë është ankuar pala kosovare. Për lobimin e Serbisë kundër Kosovës ka reaguar MPJ e cila ka kërkuar nga Bashkimi Evropian t’ia tërheq vërejtjen shtetit fqinj.

Ish-ministri i Jashtëm grek, Pangalos, i pyetur për ngjarjen në Bularat, ka deklaruar për Sky se, “Kam bindjen se kush mban në mënyrë kërcënuese armë në dorë të qëllohet menjëherë nga policia, siç ndodh në vendet e civilizuara, ato skandinave apo SHBA”, Pangalos, ka thënë se deklarata e Ramës ishte në kohën e gabuar. Greqia, që të jetë lider në rajon, duhet të ketë aleanca me gjithë shtetet ballkanike.