Në të gjitha shkollat e arsimit parauniversitar procesi mësimor ditën e sotme ka vijuar normalisht.
Burime zyrtare pranë drejtorisë rajonale të arsimit bëjnë të ditur se edhe në kushte me temperatura disa gradë nën zero, procesi mësimor ka vijuar normalisht.
Kjo sipas të njëjtit burim ka ardhur edhe për shkak se njësitë e qeverisjes vendore kanë bërë të mundur furnizimin e të gjitha shkollave me lëndë drusore, përfshi këtu dhe ato të zonave të thella malore.
Drejtoria rajonale e arsimit ka lënë për të kuptuar se në varësi të situatave të kushteve atmosferike drejtorët e shkollave kanë përcaktuar edhe orarin e procesit mësimor por zyrtarisht nuk ka informacion nëse ka patur apo jo raste të kësaj natyre.
Megjithatë drejtoria rajonale e arsimit u ka kërkuar drejtorive të shkollave të zonave të thella malore gjatë këtyre ditëve më temperatura të ulta të bëjnë shumë kujdes me levizjen e nxënësve pasi në zonat malore ka raste që nxënës lëvizim nga njëri fshat në tjetrin për të shkuar në institucionet arsimore.
